Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende
[pagina 551]
[p. 551]

aant.Dit sijn die .X. plaghen en̄ die .X. ghebode.

 
HADDIC der vernonften prijs /
 
Alsoe dat ic dies loves rijs
 
Vanden meestren mochte draghen /
 
Soe woudic dichten en̄ saghen
5[regelnummer]
Herde meesterlec dese .X. ghebot /
 
Die de hoghe gheloefde God
 
Ghegeven heeft ons te nutte;
 
Want si sijn een weren der scutte
 
Voor der hoeftsonden vloet.
10[regelnummer]
Maer nu es mi mijn moet
 
En̄ mijn sinne ongheslepen /
 
Daer om soe moetic scepen
 
Biden oever / en̄ nemen stade:
 
Die diepte wair mijn scade;
15[regelnummer]
Want wair ic inden strome /
 
Dat waer mine onvrome.
 
Dat oever bediet mijn kinscheit:
 
Der cunsten ghewat es mi te breyt /
[pagina 552]
[p. 552]
 
En̄ te diepe en̄ te stranc;
20[regelnummer]
Dair om soe es mijn ganc
 
Aent oever en̄ opt wijde rumst.
 
Ic en der niet met mire cleynre cunst
 
IndenGa naar voetnoot1 stroem varen der masterschaft.
 
Mijns sinnes scep en heeft gheen craft:
25[regelnummer]
Worde hem een onwerder cont /
 
Het mochte sincken inden gront /
 
Dat waer mi te zwaere:
 
Ic en ben gheen zeevaerre /
 
Dat ic die diepte vergronde.
30[regelnummer]
Ic en can niet subtijle vonde.
 
Die diepheit van dichtene / sonder waen /
 
Die soe moetic laten staen /
 
En̄ die sproken van cunsten fijn.
 
Grote diepte die soude mi sijn
35[regelnummer]
Te zwaer: ic moetse neder legghen /
 
En̄ wil u met slechter redenen segghen
 
Die .X. ghebode / sonder waen.
 
Door God ghi sultse bat verstaen /
 
DanGa naar voetnoot2 icse u metten dichten
40[regelnummer]
Bedieden can ochte berichten.
 
Men merke den sin en̄ niet de dichte:
 
Die sin es groot / die dichte es lichte.
 
Die meerkeren en̄ de wijse /
 
Die de grote cunste prisen /
45[regelnummer]
Si vendender hier cleyne.
 
Den leeken ic alleyne
 
Wille die redene ontdecken /
[pagina 553]
[p. 553]
 
Oft ic daer mede yet verwecken
 
Te Gode mochte haerre enech sin /
50[regelnummer]
Hoe ic doch oncunstich bin /
 
En̄ waede in enen diepen tsomp.
 
Die wetsteen es van hem selven stomp /
 
En̄ maect menech wapen scarf.
 
Hier toe icGa naar voetnoot1 goeder hulpen bedarf
55[regelnummer]
Van U / hoech gheloefde God.
 
Helpt mi / dat ic der werelt spot
 
Niet en werde in dit boekelkijn /
 
DoerGa naar voetnoot2 die hoghe namen dijn /
 
Diemen drievoldich aen Di vint.
60[regelnummer]
Du / Gods Sone / der Maghet Kint /
 
Vader / Soon / Heilich Gheest tsamen /
 
Hoe godlijc draghestGa naar voetnoot3 Du die namen
 
In drien personen / sonder last /
 
En̄ sijn in Di alsoe vast
65[regelnummer]
In enen God bestrict /
 
SidermeerGa naar voetnoot4 dat dit wonder scict
 
Dijnre volcomenre godheit list /
 
Soe helpt mi dat ic der sunden mist
 
Verwinnen mach met mire lere /
70[regelnummer]
Dat die meneghe daer wt kere /
 
En̄ ontflie der hellen brant.
 
Gheeft mi u hulpe / Here Heilant /
 
Soe achtic cleyne op yemants spot.
 
Nu hoort hier dese .X. ghebot /
[pagina 554]
[p. 554]
75[regelnummer]
Die ons te houdene sijn ghegeven.
 
En̄ ic wil u Pharoens leven
 
Segghen / ende .X. plaghen
 
Die aen den coninc Pharo laghen;
 
En̄ wat die plaghen bedieden /
80[regelnummer]
Dat wil ic den leken lieden
 
Segghen soe ic best can.
 
Met Gods hulpen beghin ic dan /
 
Dien alle dinghen sijn onderdaen.
 
Moyses / die goede Gods knecht /
85[regelnummer]
Bescreef met sijnre hant dit recht /
 
Daer hem God godliken verscheen /
 
En̄ screefse in enen herden steen /
 
Dat si ewelike daer inne bleven.
 
Daer omme heeft hise also ghescreven
90[regelnummer]
Datse die mensche scriven sal /
 
En̄ leerse en̄ onthoudse al /
 
En̄ graefse in dat herte sijn
 
Soe vaste / dat haerre leren schijn
 
Eweliken blive daer inne.
95[regelnummer]
Helpt God / dat ic ghewinne
 
Te spreken met goeden sinne!
voetnoot1
Hs. Niet inden.
voetnoot2
Hs. Dat.
voetnoot1
Hs. Hier ic toe.
voetnoot2
Hs. Doe.
voetnoot3
Draghest staat niet in het hs.
voetnoot4
Hs. Gider meer.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken