Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Die sevende plaghe en̄ dat sevende ghebot.

1530[regelnummer]
DIe sevende plaghe jammers plach /
 
Want blixem en̄ menech donreslach
 
Uten drueven wolken quam /
 
Dat meneghen mensche tleven nam.
 
Die wint en̄ oec die haghel scarp
1535[regelnummer]
Sloech neder tcoren ende werp
 
Opten velde over al.
 
Dies honghers noot en was niet smal /
 
Daer af die werelt vele verdarf.
 
Een deel des volx van hongher starf /
1540[regelnummer]
Een deel dat ongheweder sloech /
 
Soe dat die reghen henen droech
 
Met siere vloet liede ghenoech.
 
Die haghel / die donre en̄ die blicke /
 
Die dat coren / scone en̄ dicke /
1545[regelnummer]
Verdorven opten velde daer /
 
En̄ dat onghewederte zwaer
 
Wil ic den duvelen bedieden;
 
Want si vele liede mieden
[pagina 604]
[p. 604]
 
Dat si hem dienen te lieve.
1550[regelnummer]
Afbrekeren / persemeers en̄ dieve /
 
Alle in des duvels dienste si leven /
 
Daer jeghen heeft ons God ghegeven
 
Int sevende ghebot die leere sijn:
 
Aldus liet Hi ons in scijn.
1555[regelnummer]
Hi sprac: ‘Mensche / huede dich
 
Voor diefte / en̄ nyemene af en brich
 
Sijn goet met valschen listen.
 
Sijt dinen evencristen
 
Ghetrouwe / en̄ niet en steel:
1560[regelnummer]
Wie stelt / hi sundicht alte vele /
 
En̄ hi es des duvels gheheel.’
 
Mensche / nu hout dit ghebot /
 
Dat u die edele goede God
 
Ghegeven heeft te houden /
1565[regelnummer]
Dit suldi effene vouden
 
In dijn herte en̄ merken dat.
 
Wildi miden Gods hat /
 
Soe sijt ghetrouwe en̄ gherecht /
 
Daer mede werdi sijn knecht;
1570[regelnummer]
En steelt nyement sijn have
 
Met valscher list / en brect nyemen ave /
 
Men veerter omme inder hellen pijn.
 
Drierleye dieve sijn
 
Die verliesen Gods aenscijn.
1575[regelnummer]
Dien eersten doe ic di becant /
 
Die es een ghemeyn dief ghenant.
 
Wie sijn evenkersten sijn goet stelt /
 
En̄ die diefte dieflijc verhelt /
 
Die es een onghetrouwe man /
[pagina 605]
[p. 605]
1580[regelnummer]
En̄ hi es in Gods ban.
 
Daer af een wise ghesproken haet:
 
‘Het es ene grote mesdaet
 
Wie den anderen steelt sijn goet /
 
Dor dat hi sinen gierighen moet
1585[regelnummer]
Vervult en̄ wert een dief /
 
En̄ hem tier sunden es soe lief.’
 
Begrijptmen metter dieften snel /
 
Soe sal hi .iij. vout alsoe veel
 
Goeds voor die diefte gheven /
1590[regelnummer]
Op dat hi versten wilt sijn leven;
 
Alle sinen huusraet
 
Gheefti voor sinen mesdaet /
 
En̄ daertoe sijnre eren crans
 
EnGa naar voetnoot1 behout hi nemmer gans;
1595[regelnummer]
Daer toe moeti hem sijns namen
 
Dicwile scandelike scamen.
 
Daer omme ons Salomon bediet:
 
‘Op ertrike en es edelre niet
 
Dan een goet name si /
1600[regelnummer]
Die es van allen wandelen vri;
 
Hi es beter veel dan goet.’
 
Mensche / nem in dinen moet
 
Dattu ghetrouweliken leves /
 
En̄ niet na valschen goede streves /
1605[regelnummer]
Datti trect inder hellen gront.
 
Hoort wat ons Seneca doet cont:
 
‘Wee hem die hem in sunden strict /
 
Want hi voor Gode leghet verstict /
 
En̄ die mesdaet si can
[pagina 606]
[p. 606]
1610[regelnummer]
Vaen den onghetrouwen man;
 
Want si helpt hem inder noot
 
Tot eenre oughetrouwer doot /
 
En̄ als die voleyndt wert /
 
Der hopinghe Gods hi al ontbert;
1615[regelnummer]
Want inder hellen en es gheen troest.
 
Wie dair af wil sijn verloest /
 
Met trouwen mijdt hi wel dien roest.’
 
Mensche / nu hoort den anderen dief /
 
Dien es te valschen ghewinne lief /
1620[regelnummer]
Die steelt en̄ latet den lieden sien /
 
Hi en can hem der dieften niet ontyen;
 
Want hi dief / des sijt gewes /
 
Ter werelt openbaer es.
 
Dat sijnGa naar voetnoot1 die comenscape pleghen
1625[regelnummer]
En̄ valschelike meten en̄ weghen /
 
En̄ sus den lieden breken ave
 
Beyde haer goet en̄ haer have /
 
En̄ hebben dair omme Gods hat.
 
Salomon die sprect dat:
1630[regelnummer]
‘Een valsche waghe die es / int ware /
 
Voor Gode herde ommare /
 
En̄ rechte mate en̄ recht goet
 
Dat es sijn wille en̄ sijn moet.’
 
Het spreect Sinte Augustijn:
1635[regelnummer]
‘Hets beter datmen drincke wijn
 
En̄ ete vleesch / dan dat een man
 
Sinen evenkersten eten can
 
Met sinen valschen daden /
 
Tsinen verliese en̄ tsinen scaden.’
[pagina 607]
[p. 607]
1640[regelnummer]
Daer omme / mensche / si u ghesaecht /
 
Dat God metten propheten claecht
 
Herde clagheliken desen noot.
 
Hi sprect: ‘Wee dien die voor broot
 
Mijn arm volc hier eten!’
1645[regelnummer]
Dat sijn die ghene die meten
 
Haren coep met valschen maten hen /
 
Die steelt valschelike ghewen /
 
En̄ wie een valsch ghewechte haet
 
Die es een dief / dat verstaet /
1650[regelnummer]
Want hi doet diefs mesdaet.
 
Den derden dief / dien merket al /
 
Noch argher men dien houden sal
 
Dan enen dien dat armoet
 
Dwinghet dat hi quaet doet.
1655[regelnummer]
Ic meyne nu hier den riken /
 
Diemen ghestedelike
 
Met diensten moet onderdanich sijn /
 
Die dienres loen en̄ haer pijn /
 
En̄ haren herden aerbeyt /
1660[regelnummer]
Dien si verdienen met bitterheyt.
 
Weet dat si in groten sunden sneven
 
Die hem den loen / dien si hen souden gheven /
 
Afbreken en̄ houden vore /
 
Daer in ic grote driste spore.
1665[regelnummer]
Sente Iacob doet desen toon:
 
‘Siet / rijc mensche / dijnre dienren loen
 
Roept opti / du hebstese bedroghen /
 
Haer roep es te berghe ghevloghen
 
Voor Gode in sinen maiestaet /
[pagina 608]
[p. 608]
1670[regelnummer]
DieGa naar voetnoot1 den roep ontfanghen haet
 
In sijn ore der Godheit.’
 
Du rike mensche / di si gheseyt:
 
Die claghe / die de arme doet
 
Met vloeken / die en wert di nemmer goet /
1675[regelnummer]
Op dat ghi den vloec hebt verdient.
 
Ihesus / Sydrax sone / sprect: ‘Vrient /
 
Die arme dienren die di vloeken /
 
En̄ bitterlike soeken
 
Gods wrake met hare claghe /
1680[regelnummer]
Vorwaer / mensche / ic di saghe
 
Dat haer claghe ghehoort wert vorwaer
 
Voor Gode / dien alle dinc es claer /
 
Daer dine ziele bloet voor staet.’
 
Daer omme Iob ghesproken haet:
1685[regelnummer]
‘Een yghelijc dienre die es weert
 
Sijns loons; wiene hem tonthoudene geert /
 
Hi behoudt eweliken Gods hat.’
 
Sente Tobias seyde dat /
 
En̄ leerde aldus sinen sone:
1690[regelnummer]
‘Lieve kint / huedt di van dien doene /
 
Dat dijns dienres loon bi di
 
Niet en blive. Daer om volghet mi.’
 
En̄ daer om / mensche / dit ghebot
 
Hout, dat die goedertieren God
1695[regelnummer]
Ons heeft ghegeven openbaere /
 
En̄ neemt der edelre trouwen ware /
 
Soe verwerfdi der inghelen scare.

voetnoot1
Hs. En̄.
voetnoot1
Hs. si.
voetnoot1
Dien.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken