Timbre de Cardone (1618)

Timbre de Cardone

(1618)–Jan Jansz. Starter– rechtenstatus

Auteursrechtvrij

Vorige Volgende


Seste Handelingh, derde wtcomst. LIONATO, BODE. lin. NV mach ick vvel met recht verclaren datter niet So heymelijc, so stil, noch so beveynst geschiet Of 'tvvort al metter tijt ontdeckt, o Heer der Heeren Hoe con ick grooter gonst van uvven throon begeeren De ontschult van mijn Kint is nu gheopenbaert En door vverckers vande boosheyt, selfs verclaert O God hoe duydelijck doet ghy my nu bemercken De vvonderheden die ghy voert in al u vvercken Nu comt de Grave met Gironde half vermoet En vallen alle bey my schreyende te voet Beleydende haer schult, versoeckende ghenade
[Folio H4v]
En segghen dat mijn Kint is valschelick verraden En vvatter vvas ghestroyt ghedicht vvas en verciert En om Girondes vvil bedriechelick bestiert, Die mijn Kint had gedacht tot synen echt en vrouvve Als haer de Graef verliet voort wederom te trouvven O Godt dat ic voor dees gunst danckbarich eer Is dit niet wel wat vremts, maer dat noch thienmael meer, Is, s'hebben alle beyd (tot boete van haer zonden) Hier met hun eyghen hant haer vastelick verbonden Gheen ander echte vrou te trouvven als de gheen Die ic haer gheven sal maer t'gheen, ick daer me meen Is vveynich hun bekent vvant haer ghedachtens gaven Zijn anders niet, dan dat mijn dochter is begraven En langh ghestorven, maer o neen, ghy Grave sult Nu aen mijn dochter noch voldoen u oude schult Ick sal u met mijn Kint nu vvederom vereenen, Dien ghy een ander eerst te vvesen vvel sult meenen Dat dit dus is gheschiet en vvat ic noch vermoe Is best dat ic terstont mijn vveten doe Hy clopt met de voet. bod. Mijn Heer. lin. Ick vvil dat ghy terstont te Post sult ryden Recht na Duelli toe versuymt voor al gheen tyden Vaert voort en brengt terstont mijn dochter dese brief
[Folio I1r]
bod. V vville sal gheschien Ach soete Kint, hoe lief Sal u dit schryven zijn! nu ghy meucht u bereyden En ick sal midlertijt vvat Godt vvil doen verbeyden.

Vorige Volgende