Logo DBNL
Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort–rechtenstatus Auteursrecht onbekend

Vorige Volgende

Refereijn CIII
Loff maria ontfanghen sonder erfsonde

 
IEsus is dalder edelste van natueren
 
daer nae maria bouen allen figuren 2
 
duer goods voorsinneghe moghenthede
 
Ende wy alleenkersten menschen in dit becueren
5
wtghenomen maria sonder enich berueren 5
 
waren bastaerden ende ooc oneedel mede 6
 
Ouermits onser eerster ouders ongehoorsaemhede
 
adam ende eua by tserpent gheraect 8
 
Tghebot brekende mer na cristus voldede 9
10
mitter doot soe worden wy edel gemaect
 
+doer theylich doopsel dese redene smaect 11
 
ende ghelyckerwys den almoghende vadere
 
In die dryeuuldighe concistorie onghelaect
 
voersienlick heef ghelieft wt goeder adere
15
Dat die reyne maget maria alle gadere
 
van beghinne eer sy was ontfaen
 
Inder ewicheyt altoos vroech en spade
 
bouen alle inghelen om claer verstaen
 
Die altyt suuer ende reyn syn beuonden
20
dus doe ic haer ter eeren dit vermaen
 
Loff maria ontfanghen sonder erfsonden 21
 
 
 
God almachtich heeft synre moeder preseruacie
 
hoer afcoomst / ende oock hoer generacie
 
by doctoren ende exemplen dick doen blycken
25
Sint ian baptisten heeft god ock veruult mit gracien 25
 
ieremias ende meer ander tot meniger spacien 26
 
die god bysonder edel maecte wonderlyken
 
Die hy suuerde vanden erfsonden heerlyken
 
aldus heeft god sonderlinghe by desen
30
Edel willen maken mariam / mer in dit gelyke 30
 
es een groot onderscheet gheresen
 
Want tusschen edel gemaect te syn / ende edel te wesen
 
van ewicheden vercoren tis grote differencie
 
Dus is maria goeds moeder hoechst gepresen 34
35
in ewicheden dus doet haer reuerencie
 
Tsy mit hymnen versen oft eloquencie
 
+gruetse doch hertelyck mit beden deuoot
 
Want sy es moeder der excellencie
 
daer themelsche heer voer buecht cleyn ende groot
40
Dus tot haren loue diet manna besloot
 
in haren tempel reijn bouen conden
 
Dus seg ic haer wt liefde bloot
 
Loff maria ontfanghen sonder erfsonden
 
 
 
Maria goods moeder es ten ewighen tyden
45
van god edel vercoren om een beuryden
 
want sy noyt inden tooren of inden haet goods en quam
 
Noch in sduuels macht in enich bevryden
 
ghelyc sint ian ende ieremias duert ontvryden
 
der erfsonde die cristus marie af nam
50
Sonder erfsonde is sy ghesprote wt iesse stam
 
maecht inder baringhe ende nader baringhe lofsam
 
Puer suuer ende reyn als donbeswaerde
 
vand derfsonde euwich ende emmermere
 
Och wee die ghene die syn van sulcken aerde
55
die contrarie doen valschelick enighe leere
 
Preken off segghen mer ic bidde cristum zeere
 
dat hyse verkere / want het is een grote blame
 
Lachter te segghen vanden alder ouersten heere
 
of van synder moeder die god bouen al es bequame
60
Maria aldersuetst bouen alle vrouwen name
 
god gebiet toch selue ter sielen vrame
 
+Dat elc syn ouders eeren sal dus ist onbetame
 
dat god syn moeder anders soude hebben ghebonden
 
Dan mitter grootster eeren werdich ende eersame
65
loff maria ontfanghen sonder erfsonden
 
Prinche
 
 
 
Twaer wel een vileyn vol argher treken
 
onghelovich en valsch die sou deruen spreken
 
dat cristus iesus soude sijn ontfaen
 
Van eender die edelheit bij ghebreke 69
70
aenghehanghen wort of die onbesweeken
 
edel gemaect waer / twaer groot verstranghen
 
Twaer blamelic te segghen nae swerlts ganghen
 
dat onsen edelen keyser syn princelick lyf
 
Ontfanghen waer byden natueren bedwanghe
75
van eender die edel ghemaect waer int bedrijf
 
Hoe veel te meer ist een onsalich katyf
 
die vanden coninck alder coninghen meest
 
En coninghinnen alder coninginnen stijf
 
met lelyker blammacie des hem therte beeft
80
Dus deuote menschen verwect uwen geest
 
en helpt my doch louen mit herten blye
 
Mit groter innicheyt en onbeureest
 
die gloriose reijne maghet marie
 
Ick bidde v wt liefden niet wt nije
85
tot haren loue wilt dit dickwils vermonden
 
Dus segick noch nu en tot allen tije
 
Loff maria ontfanghen sonder erfsonden

Vorige Volgende