Refereinenbundel, Anno 1524

[p. 45]

⁺Refereijne CLVI
Lof scoonste ende alder ghetroutste lief

Lof onbesmitste / inwitste / verhitste / doergloedich
Lofgoetste / beuroetste / soetste / melodije
In sinnen / van binnen / met minnen / oueruloydich
lof reyne / ghemeyne / fonteyne / marye
Ghewaecht / puer maecht / die draecht / goods clergye
alleene / in weene / ons eene / aduocate
Gheloont / ghetroont / ghecroont / heerscapije
wiens duecht / juecht / vruecht / es sonder mate
Crachtich / warachtich / machtich / in state
rykelick / blydelick / onghelikelic scat
Ghebenedide / tallen tyde / blyde / van ghelate
claerste / eerbaerste / alder vermaerste stat ¹²
Heilich gheboren / goods besworen / wtuercoren / vat
wiens pat / nye en mat / al dat / ye licht besief
lof schoonste ende alder ghetroutste lief

Du sys / vol wys / dyn prys / nye reden proifde
sulc maecsel / gheraecsel / of smaecsel / nye ghewrocht was ¹⁷
Dyn troost / men gloost / waer ye genoost / behoefde
medicijne / als dyne / pleech tsijne / nye versocht was
Dyn wesen / gepresen / wtghelesen / bedocht was
eer twoort / acoort / brocht voort / ye creatuere
Dyn bede / dede / dat vrede / vol brocht was
⁺die voren / in toren / verloren / stont menich ure
Nie soe spoedich/oetmoedich/oueruloedich/noch so puere
so by bliuich / geliuich / becliuich / als ghi
Preciueste / amorueste / figurueste / figuere
gheuonden / tallen stonden / van sonden vrij
Bouen vrouwen / vol trouwen / dyn scouwen / sy
waer by / wt my / ick dy / dit lof op hief
lof scoonste / ende alder ghetroutste lief

+ Fol. 220 (ij^c xii)

12 eer van eerbaerste boven het doorgeh. oor geschr.

17 de c van ghewrocht boven het woord bijgeschr.

+ Fol. 220^v (ij^c xii^v)

[p. 46]

 

Lof principael / noyael / strael / vol jonsten

 

lof fier / rosier / bestier / der gracien

 

Lof abel / affabel / notabel / der consten

 

lof wonder / besonder / onder / alle nacien

35

Lof casteel / pryeel / gheheel / der iubilacien

 

lof moeder / daer de behoeder / ons broeder / in wort

 

Lof sparcke / arcke / barcke / alder oracien

 

lof gesichte / gedichte / mit lichte / begort

 

Lof oetmoede / in voerspoede / tallen goede / geport

40

lof speghel / seghel / reghel / om leuen

 

Lof claer / pylaer / daer vaer / by es gecort

 

lof tallen stonden / tvermonden / orconden / verheuen

 

Lof decsel / verwecsel / ostrecsel / van tsneuen

 

beseuen / bescreuen / ghebleuen / sonder grief

45

lof scoonste ende alder ghetroutste lief

 

 

 

⁺Princesse

 

 

 

Shemels princesse / vol van ghenaden

 

Toocht v beraden / aen myn miskief

 

Om lauenisse / van mijn misdaden

 

Coomt my in staden / ghetroutste lief

+ Fol. 221 (ij^c xiii)