Refereinenbundel, Anno 1524

Reffereyn CLVIII
Die weert sal rekeninghe willen horen

⁺OCh hebt voer oghen den corten tyt
die ghy hier moghet op derde leuen
Merct oec wat duechden of wat profyt
ghy uwer sielen hebt ghegheuen

+ Fol. 222^v (ii^c xiiii^v)

[p. 49]

5

Vindt ghyt int papier niet claer bescreuen

 

Confessie can veel drucks verstoren

 

want hoe dat ghemaect es of bedreuen

 

die weert sal rekeninghe willen horen

 

 

 

Merct in v seluen waer ghy syt

10

elc sal nae syn wercken loon ontfaen

 

Och sy syn wel vermaledyt

 

diet weten ende contrary gaen

 

Die onder tschyn van duechden staen

 

ende anders syn / het es al verloren ¹⁴

15

Dat ewangelie doet ons vermaen

 

die weert sal rekeninghe willen horen

 

 

 

Myn herte ganselick mit v lydt

 

compasselic om die ziel alleene

 

Raedt v dit sterfelic abyt

20

te wasschen mit deuoten weene

 

Joncheyt scoonheyt groot en cleene

 

hoe machtich hoe edelick gheboren

 

Wysheyt rycheyt men achte gheene

 

⁺die weerdt sal rekeninghe willen horen

 

 

 

Prinche

 

 

25

Maect dan v somme sonder respyt

 

die coomste des weerts weet ghi gheen mate

 

Och lacen om een cort jolyt

 

is men langhe in drucx ghesaten

 

Peyst in v seluen de caritaten

30

god heeft ons allen soe dier vercoren

 

Alst al gheleeft es tsy in wat staten

 

die weert sal rekeninghe willen horen

14 na ende is een e doorgeh.; de eerste r van verloren is boven het w. bijgeschr.

+ Fol. 223 (ii^c xv)