Refereinenbundel, Anno 1524

[p. 161]

Reffereijne CCXII
Mer tgaet nu veere bouen screuen

DOe inden coopman Ja ende neen verkeerden
Ende die edele den lantman mit paijs eerden
ende die lantman was der practijken onuroet
Ende die gheestelicheit leefde als sij leerden
Niet ghiericheit mer hem tot suuerheit keerden
doen wast een gulden werelt en goet
Die coopman had doe betrou en moet
⁺die edele tsijnen daghen renthen en pacht
Die lantman was weeldich sonder tegenspoit
die geestelicheit hooch gheeert ende gheacht ¹⁰
Al dat goet was regneerde doe inde macht
dies doer elx goet / tgoet quam toe ghedreuen
mer tgaet nu veer bouen screuen

Bijden coopman plach te sijn siluer en gout
Sijn woort was noch soe cloick en stout
dan nu sijn zeghel is oft sijn singnet
Hy plach tsyne soe wel betrout
Al wast ouer hondert mijlen twas astout
men creecher tonnen mit goude met
Al die werlt plach te sijne vol weelde geset
doe die coopman was sonder bedrieghen
Hij brocht hij haelde elc wort doe vet ²²
hij dede weelde alle tlant duer vlieghen
Hij en wist van lortsen of van lieghen
van lueren van sueren mer vrolic leuen
mer tgaet nu veer bouen screuen ²⁶

Deedele die pleech te triumpheren
Ende minlick alle vruecht te vseren
om elc te maken verhuecht en blije

+ Fol. 293 (ii^c lxxxiiij)

10 de tweede o van hooch verb. uit e en de derde e van gheeert boven het w. bijgeschr.

22 de h van haelde verb. uit l en het begin van a

26 na bouen is c doorgehaald.

[p. 162]

30

Den aerbeijt plach te laboreren ³⁰

 

Auont en merghen sonder cesseren

 

in den lantman en was gheen houerdije

 

⁺Die ambachsman dreef solaes tallen tije

 

mit rethorijken yet vreemts te ramene ³⁴

35

Die hem elc verblyde aen alle sije

 

men pleechs als sotheijt niet te blamene

 

Elc leefden doe nae tbetamene

 

want elc doer die conste verheuen

 

mer tgaet nu veer bouen screuen

 

 

40

Der gheestelijker werck was lesen en soicken

 

Alden dach studerende in haer boicken

 

om den slechten minlick tonderwijsene

 

Minne was al haer iaghen ende ruecken

 

Waer sij discoort wisten in enighe hoicken

45

dat pleghen sij nerstelic te misprijsene

 

Op haer tienden pleghen fij te rijsene ⁴⁶

 

seer vrolic en blije mit meechde en knapen

 

Sij en pleghen haer koeken niet te spijsene

 

met veel prouens of met comenscapen

50

Jck en meen oeck niet datser nu in rapen

 

solaes oft datter erch in es beseuen

 

mer tgaet nu veer bouen screuen

 

 

 

Prinche

 

 

 

Wou wijt mercken inde drie staten

 

Es nu ghebreck groot sonder maten

55

hoe ouder hoe ergher tblyct in elcks leuen

 

Want goet weelde ende vruecht mit caritaten

 

⁺Wort lancks soe minder dus hoe wijt vaten

 

Tgaet nu veer bouen sereuen

30 aerbeijt in marg. r. bijgeschreven.

+ Fol. 293^v (ii^c lxxxiiii^v)

34 na yet is v doorgehaald.

46 de p van pleghen verb. uit eene (lange) s

+ Fol. 294 (ii^c lxxxv)