|
| |
| |
| |
Actvs qvintvs.
Nuncius, Chorus.
QVis me per aethera turbo sublimem vehat?
Procul vt Pelasgis vltimo terrae sinu
Vbi coruscus inuenit Phoebus diem
Primisq́ue radijs ardet, aut vbi face
Fugiente Zephyri floridos vrit Lares,
Et ad cubile fessus inclinat suum;
Aliquâ cauernâ tectus aut aliquo specu
Tacitâ nefandum mente deplorem scelus,
Longoq́ue fletu funeri litem tuo
Infausta Princeps. itáne venerandum caput
Crudelis ensis rapuit? & mortis tuae
Impura meretrix flebile trophaeum tulit?
Furiosa Tigris, generis humani lues,
Neptis mariti, matre nil melior tuâ!
Istúmne decuit sanguinem? ah pudet loqui.
Istúmne decuit fundere? ô scelus, scelus!
Vesana luctum? serò non vnquam scies
Quicquid dolebis, parce dementer tuas
| |
| |
Suspendis animum? triste si quicquam tegis
Audacter effer: flere iam Graecae nouum
Non est puellae. quando per tot iam dies
Sat iusta lacrymis causa seruiuit meis.
Orientis ex quo Domina fortunae gemit
Captiua lusus, quisquis hûic nostro sacrum
Indulsit orbi Phoebus, aut rapuit diem,
Madere tristes imbre perpetuo genas,
Sparsosq́ue lacrymâ vidit aeternâ sinus.
Maria Princeps illa tam multis semel
Beata donis ense lictoris iacet
Tantiq́ue sceleris testis infelix fui.
O dura nimium fata! cui tantum tamen
Maria de te licuit? at totum iuuat
Audire luctum. fare, quo vultu tulit
Radiare Reges, quando regali prius
Aucti coronâ, vota gaudentis legunt
Plaususq́ue populi. nullius augusto metus
Pallebat ore, nullus albebat timor,
Sed mens quietem fronte prodebat suam,
Niueasq́ue pulcher pinxerat genas rubor.
Talis fugacem saepè comitatur diem,
Dum Sol cadentes nube non spissâ tegens
| |
| |
Fugitiuus ignes, purpurat late polum
Moriente flamma. nulla tam magno tulit
Animo miserias, nulla tam forti necem.
Cùm iam supremum Phoebus adferret diem,
Tantiq́ue sceleris consciam pallens facem,
Inuitus alti linqueret lectum maris;
Augusta vitae fessa, vicinam necem
Toto vouebat pectore, & multâ prece
Certamen offerebat extremum Deo.
Donec satelles fronte turbatâ minax
Adesse tempus monuit: exoritur miser
Domesticorum planctus, & moestae vndiq́ue
Sonuere voces: illa nil mutans suum
Generosa vultum, pectore excelso stetit,
Armansq́ue precibus dextoram, laeuam cruce,
Alacri paratam tendit ad mortem pede:
Collumq́ue nudans inter ardentes preces
Et crebra vota, voce morienti suum
Iesum frequentans. quem vel auulso quater
Repetebat ore, fronte ridentiferum
Excepit ensem, nobiliq́ue vulnere
Meritum beatus animus ascendit polum.
At ecce tonsa verticem canum fides
Scorti nefandi grande deplorat scelus.
| |
| |
Fides fugiens, Chorus.
ERgóne potuit barbarus tantum furor
In te Maria? túne tam magnae semel
Potens coronae, túne regali iaces
Ceruice trunca? gemite tam duram necem
Quotquot Pelasgi colitis antiquam fidem.
Spes illa fidei cecidit. ô scelus! scelus!
Dolor infelix! miserande dolor!
Genus heu miseri flebile lethi!
Et vos Pelasgis rarius visi plagis
Lupi redite, matris è lupae sinu,
Suum Lycaon noscet hic iterum genus.
Orientis Aquila plange. nec laeto dein
Recreare campo, quidquid imperij semel
Nituit in armis, pullus inuadat color,
Vel qui cruenta scelera testetur ruber.
Orientis eheu Domina, Caesareo thoro
Expulsa, tragicam sensit Augusti fidem.
Scelus infandum! crudele scelus!
Genus heu miseri flebile lethi!
Et tu Pelasgi magne Dominator maris
Superbe Nereû. lacrymis totum iube
| |
| |
Madere Pontum; quotquot abstrusas freti
Habitant cauernas monstra, mugitu graui
Terrae propinquae grande condemnent scelus:
Rauciq́ue quotquot Hellados littus premunt
Pulsantque fluctus, lacrymis tumeant suis,
Vt ante spumis. quisquis aeratâ trabe
Nauita profundas sulcat AEgaei vias
Visurus Hellen murmur insuetum audiat
Gementis vndae, videat & quotquot freti
Fluctus pererrant caeruli ciues maris,
Lugubre pinnis pectus vt plangant suis,
Salsumq́ue iam non aequor, at fletum bibant.
Orientis illa Domina quâ nullam semel
Sibi imperantem laetior Nereûs tulit,
Lictoris ense cecidit. ô scelus! scelus!
Plangite pisces, plangite fluctus
Genus heu miseri flebile lethi!
Et vos tepentis hospites veris piae
Silete volucres, nulla funestos strepat!
Musica per agros, planctibus crebris sonet
Implume pectus, facinus hoc tantum iubet.
Vel fugite potius, fugite tam tristes Lares,
Et inhospitales impij regni plagas:
Et vbi vel vndas Phoebus hosperias bibit,
Vel vbi renato littus incendit die,
Narrate cunctis Doricam terris fidem.
| |
| |
Narrate ducibus vnius scorti scelus.
Fugite volucres, fugite, nec dirum dein
Recreate regnum. solus hic longas gemat
Bubo per vmbras, & minace carmine
Ventura meritae fata Theodorae canat.
Et quae sinistrum nunciant omen striges,
Habitent cruentos semper infaustae Lares,
Et inominato luridam cogant sono
Horrere noctem, tuq́ue quae doctis Ityn
Soles dolere questibus, nouum geme
Philomela crimen, occidit Princeps tuo
Ploranda questu, totius mundi potens
Nuper coronâ, lictor auulsit caput.
Plangite cunctae, plangite volucres
Scelus impuri flebile scorti.
Et tu diurnam Phoebe qui curru vehis
Radiante lucem, nube perpetuâ tuos
Absconde vultus, nullus indigno dies
Oriatur haemo, noctis aeternae chaos
Isto madentes sanguine inuadat plagas,
Tantiq́ue sceleris consciam terram premat.
Et tu silentis Luna dominatrix poli
Induere pullâ veste, nec lentam veta
Horrere noctem, duplici coelum tege
Vmbrosa velo, si qua non multo metu
Rarisq́ue tenebris Graeciae damnet scelus
| |
| |
Parum alta nox est, quotquot aethereum colunt
Ignes Olympum, veste se nigrâ tegant,
Et fulgurantes penitus extinguant faces,
Tantumq́ue tectâ fronte deplorent scelus.
Innocua Princeps, quam tot ornarat fauens
Natura donis, ense lictoris iacet.
Lugeat aether, lugeat orbis,
Scelus impuri flebile scorti.
Et tu Boote qui per vmbrosum poli
Silentis aequor igneas flectis rotas
Descende coelo, nobilisq́ue Principis
Illustre funus aureo curru excipe:
Cunctisq́ue coeli pariter & mundi plagis
Monstra nefandum stirpis incestae scelus,
Et quà patentis lacteus pingit nitor
Vias Olympi, circulus surgat nouus;
AEther cruorem totus effusum bibat,
Et tam beato sanguine illustrans polum
Boreae Pelasgam monstret & Noto fidem.
Venite stellae, languidâ magnum face
Comitare Cygne funus, & crebro nefas
Testare planctu: quaeq́ue vicino Lyra
Astro superbis, flebiles pulsa fides,
Multoq́ue questu barbarum damna scelus.
Et tu Minaci Taure qui vultu micas,
Oculoq́ue toruus dextero semper rubes,
Cruore totum corpus effuso laua,
| |
| |
Sacriq́ue testis sanguinis totus rube.
Tu qui per amplum plurimo curris polum
Armatus auro, Pleiadas parum sine
Audax Orion, ense quo totum potes
Terrere coelum, vindica nouum scelus.
Maria Princeps cecidit. ô dolor! dolor!
Plangite cunctae, plangite stellae.
Scelus impuri flebile scorti.
Plorate nubes, si quod immeritò iubar
Oriatur, haemo flebilem vehat diem,
Pluuiaq́ue moestum damnet aeterna polum.
Plorate terrae, funus hoc totum iubet
Plorare mundum. Principis magnae vices
Gemant Monarchae; Principis sanctae necem
Gemant fideles, sola spes fidei iacet:
Istudq́ue quae securis auulsit caput
Me quoque Pelasgis exulem pellit plagis.
Plangite cunctae, plangite terrae
Genus heu miseri flebile lethi!
Vale Pelasge, vera te linquit fides:
Et quas recenti penitus incensas die
Illustrat oras, quasque fugienti premit
Occiduus igne Phoebus iuuisit plagas.
Vale Pelasge, vera discedit fides.
| |
| |
Plangite coeli, plangite terrae,
Plangite volucres, plangite pisces,
Scelus infandum! crudele scelus!
Genus heu miseri flebile lethi!
|
|
Auteursrechtvrij