|
|
|
| |
| | | | | | | |
f' pe mi de - pe m' no de.
toti-toti lek wan sekondoe
| | | |
now man nanga moen tan abra,
a foegoe-foegoe foe den workoe
lek a foegoe-foegoe foe wan djakti
n'a lont-lontoe foe wan skin,
now moen nanga sabi tan abra,
man wai nang' a soen-soen
p'a moro soifri sani f' mi srefi
now moen nanga doengroe nomo de
| | | | | | | |
tapoe ston, tompoe-tompoe,
| | | |
te dé dongo tide m'e go mit joe na pasa
pe m' sa fen a sorfroe watra,
p'a soifrifasi foe libisma
no sek-sek no wàntron ete.
te joeroe sa kot opo wan dé
mi sa de na in'bere foe den
te dé dongo tide m'e go mit joe,
| | | |
edewiwiri lontoe joe fesi
di lontoe mi siri so safri,
| | | |
ma wan toe paspasi dropoe,
den sa foktoe joe, mi tongo,
| | | |
7. Opo! Kondreman... aant.
Stré de f'stré wi no sa frede,
di blankofsiri loek en oso lontoe,
wan légifasi foeroe sabaten,
di now den lostoe foe en skin b'e kren,
ben kren kon doengr' en ai, di den kis pontoe.
a broko go na in pranasi prontoe,
a koemander a wenke f' kon nang' en.
na oema saka ede f' di a sjen;
hen masra djompo f' di a fir n' afrontoe.
ma tok bakra kis let a kroetoe-doro.
pansboko lala, prit a baja skin.
osan katibo-nengre abi f' taki?
foe m'ma a si na kré, foe p'pa den soro;
na dat mek Joli-Coeur, wins a ben pkin,
pramisi: ‘Wakti boi, te m'e go naki!’
| | | |
foe tek refensi, dàt Baron ben wani.
‘Kir den jobo’, na so en sten ben bari
na Kotka sé, ‘no mek nowàn jo-hari,
oen rampener den kadami abani.’
den man ben soetoe frambo gi ala sani.
pranas b'e broko nanga bigi b'bari.
faja anga feti no ben de f' bedari.
oedoe b'e prèp, smoko b'e tap den prani.
ma di den bita-ati man f' Baron
graboe wan blankofsiri libi-libi,
san den ben jere no ben de foe bribi.
Baron ben tak: ‘F'a sjat ten d'i ben kon
na kondre dja, joe no b'e sor prisiri
f' di wi b'e sari... go, joe boeba diri.’
| | | |
moenkenki-brenki wan tek mi pkin,
katibo ben afrontoe Afiba.
Afiba, Afiba, san hat joe so?
drib'oedoe e broko genti!
sramaka-mama e kré f'a gwenti.
| | | |
na ondro den panta foe mi loktoe.
wàn-wàn foe den bre-brenki fo joe
moksi nang' a gowtoe-asogri foe mi gron
sa fas densrefi lek faja-faja
ef a bradi en prasoro foenpéri
na tapoe f' a tanpe f' mi pipel.
| | | |
bonjo èn broedoe nomo? moro de!
a gers mi tap a baka isri trarki
èn soso arki nomo mi kan arki;
foe go, mi no man waka go wànpe.
ma moro wortoe de na tra lanpe!
ke fa m'e angri f' broko ala barki
foe go na dorosé èn si den marki,
tak foeroe tégo-san' e wakt' ete.
boen set ensrefi f' bari swit koemara
na den d'e bribi na wan son-tamara,
d'e wakt a baka fara wan njoen froedoe.
na dorosé wawan mi moes foe feni?
grantangi f' di mi boeba opo greni
foe m' si sa' e brenki in mi égi broedoe.
| | | |
foe den omen-omen jar-hondro
go na den somen-somen jar-hondro
t'a kon lai joe chromosomo srefi,
bifo wan njoen santa sweri
sa boro na joe mofo boeba
| | | |
bifo wan njoen tan-makandra
| | | |
lek d'e doe den wroko boemoe,
nanga a trawan d'e nogosi
dan libi makandra sa koekoe
den goinosiso kadami trowe
dat sa hat den foefoerman,
di b'e kwins den goro-goro tapoe
| | | |
15. hoemor in èksèlsisaant.
didibri fir a fart tak bigi grani
bjo psa grontapoe her-es, mofo-jari.
a manpkin f' Gado, so Tata ben wani,
bjo tron wan libisma. - oh gran frijari!
‘M'e por a pré, m'e blèkout alasani.’
na so didibri opo mofo bari,
‘M'e kot den drat a tap a heri plani,
d'e tjar elektrik-powa gi den stari.’
ma ... wroets! sjatsroiti panja branti-faja.
didibri kori hen krabjasi, baja!
a bron hen langa barba-kakoembe.
èn engel singi: hoemor in èksèlsis!
den lafoe kwa-kwa: libi de pro vobis!
èn bébi-Jesus kré a fosi: jè-è-è.
| | | |
16. Josef ori-tjar Mariaaant.
den ben soekoe dape, dja,
wins den aksi f' ala speri,
sma no sab tak joeroe lepi
na ini doengroe, nanga frede,
Josef ben moe tek kaw-pen
- foe na kowroe neti hede -
den ben kanti skin na gron.
jere! njoe-njoe pkin ben bari.
| | | |
her' grontapoe, sondro bro,
- ala sani, not no toemsi -
njoen jarhondro ben bigin.
| | | |
n'a joisti, joisti joeroe,
boerkaw pir-ai tanfoeroe,
| | | |
na f' di mofinawan froestan
san nowan speri dangra soekoe
of' lési na ini bigi boekoe
kan poeroe fré gi ibriwan,
na f' dat mek skapoeman ben kon
anbegi joe na kaw-masanga.
toe doesoen jar' a psa, solanga,
èn nen foe den no kon na krin.
san fika f' den, na so a gersi,
w'e gi pikin lek ertintin.
| | | |
dri kownoe sjoebi kon na tap kameri;
wan gran-sabana pasi den ben fon.
(na neti star b'e tja den lek lanteri;
na dé d'e bron na ini faja son.)
bikasi kibri koni mek den leri
tak basman tra afersi de foe kon.
(Maria pkin ben tja kon njoen mansperi,
ma den no sab ete fa lib e lon.)
awins Herodes angri f' kir a tori,
a lasi krin-krin f' di proféti sori
tak sani de foe psa na Bethlehem.
masanga tap bre-brenki star tan tiri:
nanga lespeki koniman-maniri
dri kownoe arki pin-pin Jesus sten.
| | | | | | | |
d'e trowstoe ala f' wi, flaw, breki, a'e geme!
d'e stotoe ala f' wi, ke loekoe fa a'e dribi.
wan dede doengroefa na fes ai f'en kon sibi,
di doe-oen lek rows, te dow nanga waran no de.
grontapoe, ke, di goedoe f'en kon foer i te,
oen stari, èngel, di na hemelkondr' e libi,
oen sma f' di tanpe dja, oen mombi dedesribi,
now Jezus loekoe f' go, oen kownoe e dongo gwe?
foe di a'e dede, mi toe den kan tja-go beri,
ma moro foer a'e gwe en dede wan mi f' meri,
o moro foeroe na mi jeje lib' e lon.
ke wondroe hé! osortoe soema de so srapoe,
di kan ferstan tak krakti f' swakafas a'e kon,
tak lib' e dede gwe, mek dede opo tnapoe?
| | | |
a no den Djoe, mi Jesus, no den krois i,
no den ben srepi go na kroetoe joe,
no den ben spiti na joe fesi toe,
no den pansboko mek joe skin gi poisi.
a no sroedati mek a big aboisi
nang wipi, mokro ... so wan kroektoedoe!
no den ben lekt a oedoe let-opoe,
no den ben djambel f' mek joe djakti froisi.
na mi, ke Masra, mi ben doe joe so.
na mi n'a hebi di b'e kot joe blo.
tité na mi di den ben tai joe lontoe.
mi spikri, lansri joe, gi joe fonfon.
a srapoe maka-kron, foe mi a kon.
na mi pikadoe gi joe di afrontoe.
| | | |
oh man f' pina di weri maka-kron,
na neti breki broedoe fesi f' joe
e bron lek bigi wewet flan, o-doe
foe tégo sari mek so krin joe kon?
saf-brenki lobi, drégi joe kon tron.
fa mofo pi-i-i, joe n'e tak wàn takroe.
j'e waki na joe krois, j'e tir-laf toe,
Gado f' gran-sikrit, goedoe f' wi Patron.
oh faja-bro f' pina in kowroe f' loen!
krin-doe foe pen na doengroe f' di kontren!
wondroe foe lobi, nemre foe ferstan!
ai ba! m'e jere nomo a toen-toen
so sari f' broedoe dropoe; te m'manten
m'e fir en ai f' granlobi pen d'e tan...
| | | |
masra, agen a prenki f' Gorgatha!
m'e si j'e fraw gwe ondro stéf son-hati,
a braka broedoe in joe anoe nati.
d'e njanpré dede f' joe na hogri fa!
d'e seki ede, kofoe; bari: ha!
pikin foe Gado... oedoe f' sjen... loes dati!
d'e meki b'boe gi joe, kaw tifi hati.
èn spotoe f' den babawman joe moe tja.
mi Gado aladé agen m'e si
joe ai e waki switi-safri mi.
a gers j'e swi-swi: jóe toe bigin drégi?
ja, Masra, m' de na mindri den lawman.
ma mi n'e skempi; Gado pe m' sa tan?
ke, gi dasnoti, fos joe ai kon légi.
| | | |
25. m'e kré foe bromkiaant.
m'e kré foe bromki masi na ini knopo,
moesdé f' den prodo srefi den no si.
m'e kré foe lobi di no loesoe opo
èn f' di nowàn kon sabi ati f' mi.
joe kon, mi firi - ma m' no taki bi;
fra-fra mi si j'e drai gwe sondr' opopo.
na baka sjatoe kori m' doekroen pi
na tégo sombra pe mi sari kmopo.
so lek wan fowroe di sidon na hé
go wiki pranpran: mindrineti krin,
a dènk a dé, a fringi froiti kon.
ma te f' te doro moemoe f'ai fadon,
a doengroe baka: soso wan toe lin
f' wan safri kragi meri bon tapsé...
|
|
|
vorige
