Leven van Lutgart

(1899)–Anoniem Lutgart, Leven van– rechtenstatus


VI. Van din dat hare vertogt wart die dach van harre doet vif ijar eer si verschit. 1015[regelnummer] Wildi noch weten wat geschide Tin selven tide, alse oc beghide
[pagina 157]
Sybilie, die van Gayes was, Daer ic en bispel ave las Ende dire ic oc in andren steden 1020[regelnummer] Gewagen hebbe ende oc noch heden Gewagen sal, eer ic ontbinde Der vrowen vite al tote inde (Want si was die die maget rene Daertoe verkoes dat sise allene 1025[regelnummer] Begoemen soude ende sijn met hare Ga naar margenoot+In allen tiden van den ijare. So wassi oc ende omme dat Mach men din warden dis te bat Geloeven dat si met beschit 1030[regelnummer] Dis andre liede en wisten uit; Want si met conden ogen sach Algader dis die maget plach Vroch ende spade, in allen tide, Ende selker dinge hare oc verlijde 1035[regelnummer] Lutgart, die vrowe, in somer stont Die andren lieden was onkont), So hoert na mi: noch een bispel Salic u tellen, daer gi wel Bi mogt vernemen dat Lutgart 1040[regelnummer] In herte binnen was verclart Van prophecijen, die geschiden Gelijc dat sise plach bedieden; Want het in enen somertide Gevil dat Gods gebenedijde 1045[regelnummer] Ens sonnendages was gegaen Te messen, daer si soude ontfaen Dat sacrament van din outare; Ende alse quam die Godes kare Ter kerken in, so was begonnen 1050[regelnummer] Dat messe ambacht, dat van din nonnen Verheven was met claren sange Ende oc met suten; mar onlange Was dis ambachts aldaer geplon, So quam der magt en vision 1055[regelnummer] Tevoren daer si neder lach Ga naar margenoot+Op hare knin; want si versach Van Godes halven ende kinde Den ijoncsten dach van haren inde. Want sekerlike ende sonder waen 1060[regelnummer] Heft si van binnen wel verstaen (Aldaer men dewangelie las Ter messen die begonnen was, Alsie u segge, homo quidam, Daer so comtt na fecit cenamGa naar voetnoot1 1065[regelnummer] Ende andre wart, die ons bedieden Die werschap groet die allen lieden Got heft gereet in hemelrike, Daer hi toe noedt arme ende rike, Meerre ende minder, ijonge ende oude), 1070[regelnummer] Dat si ter feesteu varen soude Van derre werschap op den dach, Op welken dat men doet gewach Der nodingen van din gelage In dewangelie van den dage. 1075[regelnummer] Doe dat vernam die maget wijs, Met goeder herten dankde sijs Din hogsten coninc van daer boven; Oc heft dat danken ende loven Gedurt din messetijt al ut. 1080[regelnummer] Mar doe die vrië Godes brut Dat sacrament, die hoge spise, Ontfangen hadde na die wise Dat sijt tevoren plach tontfane, Die hare altoes plach bi te stane 1085[regelnummer] (Dat was Sybilie) metter hant Ga naar margenoot+Si nam die vrowe ende altehant So leidde sise al sonder spreken Al dor den pant. Dos henen streken Enwech ter fermerijen wart 1090[regelnummer] Sybilie ende ver Lutgart Al moetgemeene; ende alse quamen Die vrowen beide in hus te samen: ‘Sybilie’, sprac Lutgart, die fine, ‘Got motu lonen dese pine, 1095[regelnummer] Die menege eere ende al dat goet Dat gi mi, armer weesen, doet, Dis ic ontberen uit ne mach, Want ine sie noch schijn, noch dach; Oc benic worden cranc ende out. 1100[regelnummer] Dis motu gelden hondertfout Die rike Got, die melde vader, Dat goet dat gi mi doet algader. Nu hoert, Sybilie, wat ic u Al over waer bediede nu; 1105[regelnummer] Ic sal u seggen wat mi was Des dages heden doe men las In dewangelie van der messen Vertogt in dirste van der lessen: Mi was vertogt ende ic vernam, 1110[regelnummer] Eer dat geles ten inde quam Dat ons vermaent van din gelage Daer Got ons, menschen, alle dage Toe noedt in boeken ende in brieven, Die ons die werschap don gelieven 1115[regelnummer] Mettin geloven die si don, Ga naar margenoot+Ende dire oc dikke in har sermoen Die predekare don gewach, Dat ic op enen selken dach Op welken dat men reciteert 1120[regelnummer] Die ewangelie, die tracteert Van derre werschap, int getal Met Godes vrinden varen sal.’ Aldos so sprac die maget vri, Lutgart; mar nit nonttekde si 1125[regelnummer] Hoe menech ijar soude overliden Eer si die hoge vart gebiden Ter werschap van din paradise Te varne soude, al hadde sise
[pagina 158]
Also genoemt dat si gelach 1130[regelnummer] Alse op din nameliken dach, Daeromme waende al over waer Sibilie dat int ander ijaer Dat naest was comende emmer soude Geschin (want sijs der maget woude 1135[regelnummer] Geloeven wel) die prophecije Na dat se sprac Lutgart, die vrië. Mar doe die tijt van enen ijare Was overleden ende an hare Vernam Sybilie dat si nit 1140[regelnummer] Van derre werelt noch en schit, Mar dat si overleet din dach, Daer dewangelie op gelach Die van der werschap es gescreven Daer Got sal sinen vrinden gheven 1145[regelnummer] Die ewelike ontbitentide, Ga naar margenoot+Gesont, welvarende ende blide, So wart si pensende altehant Dat die materie die viant, Die alle menschen plegt bekoren, 1150[regelnummer] Lutgarden hadde brachtt tevoren Ende hi sijn scheren metter vrowen Gemaket hadde; mar, en trowen, Dat dis Sybilie heft gewaent, Daer wassi selve met getaent 1155[regelnummer] Ende oc verdoert; want over nit Si bliven ende varen lit Die prophecie alse een gedwas, Die wilen van Lutgarden was Gepropheteert ende emmer sonde 1160[regelnummer] Bedijen metter Gods gewonde. Mar doe die dage van vif ijaren Deen na den andren leden waren, Got, die die werelt al geboet Ende alle dinc clene ende groet 1165[regelnummer] Beschikket na den wille sijn, Hi dede also die maget fijn Die werelt laten, dat volquam Die prophecije ende inde nam Har leven hir in erterike 1170[regelnummer] Int vijfte ijar, also gelike Alse over langen tijt tevoren Vertrac die maget utverkoren. Want op din nameliken dach Daer dewangelie op gelach 1175[regelnummer] Homo quidam, daer ic seide ave, Ga naar margenoot+So was gelegt in haren grave Dat lijc van hare, alsic u bat Vertrekken sal tere ander stat, Daer bat gerieven sal masschin. 1180[regelnummer] Daeromme latic hir van din Ende u sal seggen voert van desen, Want mi bat dunkt gevoege wesen Dat ic bescrive elc sonderlinge Dan ic so van den enen ginge 1185[regelnummer] Int ander, dat het donker bleve Ende onverstaen dat ic bescreve. Nu hoert dan wies Sibilie sent Verlijen plach: do int convent Die vrogemesse was begonnen 1190[regelnummer] Die men topgange van der sonnen Began te singene omme dat Dat men des likes na te bat Met goeden staden wilde plegen, Ende in die kerke was gedregen 1195[regelnummer] Dat lijc dat daer in baren stoet, Si die plach voegen haren moet Ende haren sin an dat men las (Want si gelettert wale was), Dat was Sibilie, die ijonfrowe, 1200[regelnummer] Al was bevaen met groten rowe Har herte binnen, (want vor hare So lach verscheeden op die hare Die liefste die si ie gekreech), Nodan so stont si ende sweech 1205[regelnummer] Ende oren gaf tin messe ambachte; Ga naar margenoot+Mar nit en twint hare en gedachte Der profecijen die Lutgart Ens tides harre hadde oppenhart, Die si lit varen over nit; 1210[regelnummer] Want si die fantasije onttrit Die selken lieden die viant Tevoren brenget; mar altehant, Doe quam en lettelkijn bat voert Dat messambacht, heft si gehoert 1215[regelnummer] Dat homo quidam, daer tgelege In dewangelie van den dage In es bescreven daer wi u Gedichtt af hebben tote nu. Ende alse doe ten oren quam 1220[regelnummer] Der vrowen dat fecit cenam, Dat staet bescreven in die lesse, So quam in die gedinkenesse Sybilie weder van din warden Die van der Godes brut, Lutgarden, 1225[regelnummer] So lange waren daer tevoren Geprofeteert, dat si verloren Hadde al van desen die gedachte, Eer se int gedinken weder brachte Die ewangelie die men las. 1230[regelnummer] Mar dat so wel volcomen was Die profecije, al was dat sake Dat si was anders tongemake, Des was nochtan blide ende vro Har herte binnen; want also 1235[regelnummer] Heft si geproft ende oc verstaen Ga naar margenoot+Dat int gelage was ontfaen Lutgarden gheest van ginder boven, Daer hi sal danken ende loven Met allen santen ewelike 1240[regelnummer] Den coninc van den hemelrike.	[tekstkritische noot]1022 l. toten. - 1040 l. Int. [tekstkritische noot]1064 l. comt. margenoot+ f,273v^o. margenoot+ f.274r^o. voetnoot1 Luc. 14, 16. margenoot+ f.274v^o. margenoot+ f.275r^o. [tekstkritische noot]1205 Vgl. vs. 1050 en 1214. 1208 l. hare. - 1215 l. tgelage; zie vs. 1236. margenoot+ f.275v^o. margenoot+ f.276r^o. margenoot+ f.276v^o. margenoot+ f.277r^o.

Vorige Volgende

VI. Van din dat hare vertogt wart die dach van harre doet vif ijar eer si verschit.