Leven van Lutgart

(1899)–Anoniem Lutgart, Leven van– rechtenstatus


XXIII. Van din dat si ere vrowen oppenbart wart in visione ende ene nonne hare volgen hit. Ga naar margenoot+Nu restt die magt van hogen prise Daer boven in din paradise 4965[regelnummer] Ende emmermeer regneren sal; Nu hevet si verworven al Daer si na poegde in haren dagen; Nu es van commere ende clagen Die sile ontkommert ende comen 4970[regelnummer] Daer si der eeweliker vromen En vol gebruken heft ontfaen. Dat salie u betoegen saen Met corten warden ende lichte, Wildi volhoeren mijn gedichte. 4975[regelnummer] Tin tiden dat Lutgart, die fine, Beide alle nose ende alle pine Was overleden sonder blame, Ende in sijn graf lach die lichame Besloten schone alse hem betam, 4980[regelnummer] Ene edele vrowe, alsic vernam Bi horen seggene over waer, Die van Champagnen wilen daer Van verren lande comen was, Ende, alsic in die vite las 4985[regelnummer] Ende ons die oudre noch verlijen, Die varen lit van ere abdijen Ga naar margenoot+Die digniteit daer si tevoren Met eren groet toe was verkoren, T Aiwires binnen droch abijt. 4990[regelnummer] Ver Ysabeel, alse ons verlijtGa naar voetnoot1 Die vite, was genaemt die vrowe. Dat si oe Gode was getrowe In allen dogdeliken werken Mach ondervinden ende merken 4995[regelnummer] Wel hi hem selven die besiet Dat si dabdië varen lit, Lant ende mage, ende sonder ande Quam dienen Gode in vremden lande. Der selver nonnen, daer ic u 5000[regelnummer] Dit bispel af begonste nu, Onlange na der vrowen doet Got dor sine edelheide groet Dat hem hare ordenlike leven Bequame, en teeken heft gegeven 5005[regelnummer] Warbi sijs seker worden es, Ende oc noch eens dis si gewes Begerde wesen an din tide: Dat was hoe Gods gebenedijde, Lutgart, daer boven wart ontfaen 5010[regelnummer] In hemelrike, ende also saen Alse hir dat leven inde nam, Ochte in die Gods presentie quam Die gheest van hare, ochte it van pinen Verladen bleef daer Got den sinen 5015[regelnummer] Laett doegen commer ende leet Eer hise in sinen rike ontfeet, Ga naar margenoot+Die hir van dagelikschen sonden Nit al ontkommert noch ontbonden En schiden van din broschen live. 5020[regelnummer] Nu hoert hoe Got din goeden wive Des heft berechtt met groten goeme: Ens nachts so vil in enen drome Die vrowe aldar se onslapen lach Op haren dormtere ende sach
[pagina 196]
5025[regelnummer] Van boven comen enen schijn: Dens! peinsde si, wat mach dat sijn Dat van daerboven also clar Gevlogen comt? Mar doe bat naer Die schijn was comen, si vernam 5030[regelnummer] Dat daer Lutgart gevaren quam Van boven utin paradise. Nu hoert in welkerhande wise Quam ghachemeert die schone maget: Al dat den ogen wel behagt, 5035[regelnummer] Dat sach si bliken over hare; Alse of si metter sonnen ware Gecleedt, also was har abijt Licht ende clar; en wit samijt Dorwrachtt met selvere ende goude, 5040[regelnummer] Daer menech steen din ic u soude Qualic genoemen, binnen scheen, Die so din dormtere over een Verlichtten, dat negheen gewach En helpt daertoe, want men ne mach 5045[regelnummer] Die cracht van hen nit al gewarden, Dat ommecleet was, dar Lutgarden Ga naar margenoot+Die nonne in sach geselt so wale Van boven toten voeten tale, Dat noit hare ogen die gelike 5050[regelnummer] Noch na, noch vore in erterike En sagen. Mar dat schone anschin Dat bloet hem selven lit besien, Verstarde met so claren schine Hare ogen, dat si sonder pine 5055[regelnummer] Nit wale en conste dat beschowen. Aldos quam gaende toter vrowen Lutgart, die magt van hogen konne. Doe wart die welgerakde nonne Int herte binnen so vervroijt 5060[regelnummer] Dat si dos sprac: ‘Die nu ende oit Sijt ende wart gebenedijt Ende emmermeer selt wesen, sijt Hir willecome in dit ellende, Die ic te goeder tijt bekende, 5065[regelnummer] Lutgart, die Godes brut onss Heren! Want dat gi met dos groter eeren Gesalegt sijt in hemelrike, Dis sal genieten sekerlike Beide ic ende elc die u des an. 5070[regelnummer] Nu biddic u dat gi mi dan Van uwen state al dat bedit Vertrekken wilt, ende ochte u it Int purgatorie stont te sine Eer gi met dosgedanen schine 5075[regelnummer] Gesalegt wordt, dat gi mi nu Berechten wilt, dis biddic u.’ Ga naar margenoot+Doe gaf antwerde al sonder beide Der nonnen weder ende seide Lutgart, die welgerakde magt: 5080[regelnummer] ‘Ver Ysabeel, dis gi mi vragt, Dis salic u berechten gerne, Want recht nit nes dat ics u werne. Die staet van mi es soe gedaen Dat ic dar boven hebbe ontfaen 5085[regelnummer] Die lange blischap sonder seer, Daer ic sal loven emmermeer Din hogsten coninc van den trone, Die mi der marteleren crone Te spanne int eewelike leven 5090[regelnummer] Met sente Agneesen heft gegeven. Daer benic vro, daer benic blide, Daer lovic Gode in allen tide, Daer hebbic al dat ic begere, Daer comt mi toe al sonder were 5095[regelnummer] Dat hogste goet van allen sinnen; Den Hogsten loven ende minnen Met allen santen eewelike, Dats mijn ambacht in hemelrike. Nu willic u, ver Ysabeel, 5100[regelnummer] Berechten voert ochte enech deel Mi ane wis van selker pinen Alse in dat vegevir den sinen Got doegen laett ende ochtic it Dis virs gevulde. Nenic nit, 5105[regelnummer] Noch meer noch min, no groet no cleene, Want ic was suver ende reene Ga naar margenoot+Van alre sondeliker smetten. Daeromme en conde mi geletten Noch vegevir, noch ander leet. 5110[regelnummer] Mar alsic daer beneven leet Ende ic dat doegen van din sielen Versach die broidenGa naar voetnoot1 ende wi(e)lenGa naar voetnoot2 Ende in tormente waren groet, Ende ic se screijen dor die noet 5115[regelnummer] Van commere ende van wewiten Hoerde ende krisselen ende criten Ende hare onsalechheit bekarmen, Began mi hars so sere ontfarmen Dat icse sechhonde altehant, 5120[regelnummer] Warbi dat icker vele ontbant Van groter pinen daer se in waren, Die alle sijn met mi gevaren Ter feesten wert van ghinder boven, Daer si nu danken ende loven 5125[regelnummer] Ende selen loven emmermeere Den hogsten coninc, onsen Heere.’ Na dit vertrec so heft der nonnen Die dit te schowene heft begonnen, Gedochtt in haren drome voert 5130[regelnummer] Dat si dos spreken heft gehoert Die magt van eeweliken prise
[pagina 197]
Teere andre wert in derre wise Ende seggen: ‘Machtelt, volget mi!’ Dos hit die nonne ende oc was si 5135[regelnummer] Van ijaren kinsch ende ongedagt Die hare volgen hit die magt. Ga naar margenoot+Mar doe ver Ysabeel, die vrowe, Dat hoerde, en lettelkijn van rowe Har herte binnen wart beswart, 5140[regelnummer] Bidis allene ver Lutgart Machtelden hare volgen hit Ende sise en noedde mede nit Te volgene hare; ende omme dat Ripse op die maget ende bat, 5145[regelnummer] Ochte het die Godes wille ware, Dat sise lite oc volgen hare Ende seide: ‘Magt gebenedijt, Die so met Gode gheenegt sijt Dat hi u alles goedes an, 5150[regelnummer] Seldi Machtelden laten dan Allene u volgen ende mi Begeven terre noet? Mar ghi, Die oit wart al vol genaden Ende allewege stondt in staden 5155[regelnummer] So wien dat helpe sochte an u, Dat gi mi, armer weesen, nu Daer wert gi vart laett volgen mede, Dis presenteric mine bede U, maget schone ende utverkoren, 5160[regelnummer] Ende dat ic hebbe an u verloren Laett mi an u verhalen doch!’ - ‘Ver Ysabeel, des motti noch Ontberen,’ sprac die maget fijn; ‘Want tesen tide en mach nit sijn 5165[regelnummer] Dat gi mi volget. Mar van desen Laett uwen moet terasten wesen, Ga naar margenoot+Want ic u segge al sonder waen Dat gi mi oc selt volgen saen; Mar dit ne mach nu tesen tide 5170[regelnummer] Gevallen nit.’ Doe wart so blide Der nonnen moet van dire antwerden, Dat si vil neder toter erden In knigebede ende onsen Here Met blider herten dankde sere 5175[regelnummer] Al in din drome; ende eer die danc Was al volcomen, so onspranc Ver Ysabeel, ende oc Lutgart Vor weder op te hemele wart. Dos es dat vision volcomen. 5180[regelnummer] Mar hoe men sider heft vernomen In corten dagen dat bedit Van desen drome, alse ons beghit Die vite ende ic gescreven vinde, Recht es dat ic u voert ontbinde 5185[regelnummer] Met corten warden, ochtic can. Nu helpt mi hir, ghi vrowen, dan, Die in din closter wart begeven Tin tide, ende ochtic hir teneven U segge waer, so volgeds mi: 5190[regelnummer] Sent dat Lutgart, die maget vri, Die ijonge nonne hit volgen hare, So segt die vite al oppenbare Ende ons die vrowen noch verlijen, Dat altehant ter fermeriën 5195[regelnummer] Die ijonge Machtelt was gedaen; Want eer it lane wart si bestaen Ga naar margenoot+Met swarre socht so utermaten, Dat si dat leven moste laten In corten dagen, na die wart 5200[regelnummer] Die profeteerde ver Lutgart Van haren volgene in din drome. Oc poegde met so groten goeme Ter eeweliker rasten wert Isent die nonne, al was ververt 5205[regelnummer] Har herte binnen van der doet, Dat si presumptie hadden groet Die van din welgerakden kinde So schone hem toegen sagen dinde, Dat si Lutgarden sekerlike 5210[regelnummer] Ter feesten wert van hemelrike Gevloget ware ende emmermeer Met volre blischap sonder seer Soude eeren, werden ende loven Din hogsten coninc ginder boven.	margenoot+ f.340v^o. margenoot+ f.341r^o. voetnoot1 Bij Cantimpré en Broeder Geraert heet deze non Elisabeth de Wans. Vóór hare komst te Aywières was zij, volgens de Bollandisten, abdis van het klooster van Saint Didier, ‘dans la Campanie Gauloise,’ zegt M. Heynen. ‘In Campania Galliae apud S. Desiderium fuerat Abbatissa’. - ‘St. Désir, monastère de Bénédictines, près de Nogent-sur-Seine, ancienne Champagne. Voir Gallia Christiana, édition de Dom Piolin. t. XI, p. 855.’ H. Nimal: Vies de quelques unes de nos Grandes Saintes an Pays de Liège, p. 236, en Fleurs Cisterciennes en Belgique, pp. 148-150. margenoot+ f.341v^o. [tekstkritische noot]5033 l. magt.-5059-60 Scandeer: vervroijet: oiët. margenoot+ f.342r^o. margenoot+ f.342v^o. margenoot+ f.343r^o. voetnoot1 d. i. geroosterd werden, van het hier intr. gebruikte broeien. voetnoot2 van wallen, d. i. koken, opbruischen. in heftige beweging zijn. Ook in V. d. L. o. Heren wordt dit woord herhaaldelijk gebruikt van de zielen in de hel. Zie het Gloss. ald. [tekstkritische noot]5189 l. volgets. [tekstkritische noot]5211 l. Gevolget. - 5223 l. ghegheecelt. margenoot+ f 343v^o. margenoot+ f.344r^o, margenoot+ f.344v^o.

Vorige Volgende

XXIII. Van din dat si ere vrowen oppenbart wart in visione ende ene nonne hare volgen hit.