Veelderhande geneuchlijcke dichten, tafelspelen ende refereynen (1977)

Veelderhande geneuchlijcke dichten, tafelspelen ende refereynen

(1977)–Anoniem Veelderhande geneuchlijcke dichten– rechtenstatus

Auteursrechtelijk beschermd

Vorige Volgende



[pagina 110]
Het wonderlijcke leuen van sinte Reynuyt de welcke een Patroon is van alle Deur-brengers. aant. Seer ghenoechlijck om te lesen. Hier begint dat leven van sinte Reyn-uyt, Ende den wegh tot Platte-borse, daer menigh Schavuyt, Hem besoect hoe dattel met hem ghestelt // is Die een openbaer vyandt tegen zijn gelt // is. Een Jongheling ziec wesende met Venus plaghen, Ende hy die selve plage niet verdraghen en mochte, Noch is daer die Luye-coortse toegheslagen Soo dat hy raet aen een Vrouken sochte, Die nau maeght was alsoo my dochte Dus was hy seer wel op haer ghepast Hy lach seer deerlic, want hem die ziecte tonderbrochte Alst oft hy die veertich dagen hadde ghevast, Hy wort een weynich door haer soete woorden ontlast
[pagina 111]
aant. Want zy hem goeden raet gaf nae mijn verstaen Ghy moet (sprac zy) wildy ander ghenesen sijn vast, Om uwen aflaet te Platte-borse gaen, Te Platte-borse te gaen gaf hem groot wonder, Want hy noch stijf ghenoegh was ghegort, Hy ondersocht dat Vrouken van boven tot onder, Wat hy daer doen soude met woorden cort, Sy heeft hem doe de saken plat wt ghestort, Int gaen (seyde sy) moet ghy v verkloecken Hierom quijt v Bevaert, eer de wonde meerder wort, Want ghy moet daer sinte Reyn-uyt besoecken, Hy wert daer besocht van allen hoecken Hierom maect u rasselijc op de vaert, Al verteerdy wat geldts, dat en meugdy niet roecken Want dit is den rechten wegh te Platte-borsewaert. De Jonghelinck stelde hem ras inden gang Door hulp van 't vrouken, zijt dies wel vroet, Cheraecten hy op den rechten wegh eer yet lang, En hy bedancten tvrouken, met woorden soet, Om dat zy hem ghebrocht had met goede voorspoet, Op den rechten wech sonder eenigh cesseren, Te Bijster-veldt in een Herberghe goet, Aldaer sy des avonts logeeren, Want daer so veel Gildekens passeeren, Die mede Bevaert gaen, som wals, som Duyts, Want als sy savonts haer Rocxkens verteeren,
[pagina 112]
aant. Soo sijnse wel half weghen van sinte Reyn-uyts, Te bijster velt zijnde, noyt sotter kluyte, Daer vant hy veele van zijn ghebuyren, Sy droncken den Wijn, en spaerden de Kuyte, Ten was niet quaet, haddet lang moeten duyren, Den heelen nacht en docht hen gheen twee uyren, Elc leefden daer in eenen Ridderlijcke staet, Maer smorgens steldet die Weerdin al in reuren, Sy rekende een pontgroot, dat dochte hen te quaet, Nochtans had hy gheleeft naet vrouken raet, Hoe wel die Weerdin eerst maeckten den twist, Zynen buydel maecte den peys te laet, Want hy heefter een gouden pontgroot ghemist, Bijster-veldt gepasseert zijnde, naer d'oude maniere Daer was hy recht nae zijnen staet ghesteldt, In Claes kommers Herberghe, byden viere, Daer bleefden buydel met al zijn geldt, Hy wert soo suyver als een ey ghepelt, Claes kommers Herberghe mocht hy wel vloecken, Voort Bier worden daer drie schellinghen ghetelt, Hy besocht zijn buydel in allen hoecken Sulck wonder en vant men noyt beschreuen in boecken Twee stuyuers most hy voor de Mostaert betalen Elck wachter hem voor ten baet gheen vloecken,
[pagina 113]
aant. Hy most daer geldt oft pandt gaen halen. Claes commer woude zijn ongheblameert Ende heeft hem voor ghewesen den rechten padt Want hy zijn Herberghe was deur ghepasseert, Dus van goeder vrientschaps weghen dede hy dat, Hy sandt hem te Blootegem binnen der stadt, Aldaer hem de honden na liepen om te bijten Seer ootmoedelijck hy daer neder sadt, Om dat hy zijn Beevaert te beter soude quijten, Voorwaer ten verschilde hem qualijck twee wijten, Oft hy en had aldaer sinte Reyn-uyt versocht De Weerdinne lachte dat sy meenden te splijten, Want zy had hem dunne-bier voor Kuyt vercocht. Aldus is hy op t'leste ghecomen met blijden gheeste Tot sinte Reyn-uyt, sonder langher te dralen Ende daer heeft hem Pouer ghenoot ter Feeste, Omdat hy niet voorder en soude dwalen, Noyt Pelgrim en mochte sijn schult duyrder betalen, Als desen Jonghelingh zijn Bevaert heeft ghequijt, Niet met allen en behielt hy na mijn verhalen, Anders dan een paer Teerlinghen, ende Krijt, Dit dede hy al om der Gilden profijt, Hy vercocht sijn hemde met luysen en vloyen Dus mocht hy wel springhen, dit seker zijt, Met de gheschoren Schapen wt der Koyen.
[pagina 114]
aant. Tot sinte Reyn-uyts is hy ter Kermisse ghecomen Al en heeftet hem daer niet seer wel gheluckt Want Willem Alberoyt heeft hem terstont vernomen, Ende heeft hem als een magheren Gans ghepluckt, Zijn cousen waren achter soo seer ghestuckt, Soo datmen de Kalendgier mochte beschouwen Ende daer om was hy vande Weerdinne verdruckt, Om dat hy gheen Duym-kruyt en hadde behouwen, Noch wil ick wel sweeren by zijnder trouwen, Dat mender wel meer vindt die comen in dolen Door quaden raet van schoone Vrouwen Het waer hen beter ghebleuen wt sulcke Scholen. Nu sal ick v noch al te samen laten weten Het gheslachte daer af dat was ghebooren Sinte Reyn-uyt, t'waer immer quaet vergheten, Daer was een waerdighe Vrouwe vercooren, Vrou Lorts was sy ghenaemt, soo ghy wilt hooren, Mary-muyls suster van herten vry Die haer Maeghdom inde Koe-kribbe heeft verloren Dat was sinte Reyn-uyts moeder, dat segghe ick dy, Nu sal ick v de Vader noemen daer by, Die Magher-man gheheeten was sonder spot Die nerghens wellecoom inde Keucken en sy, Want ter menigher stede roert hy die Pot.
[pagina 115]
aant. Hier mede willen wy deese redenen laten Ick bidde alle goede gildekens dat sy toe sien by tye Ende wachten hen voor den wegh het sal hen veel baten Met eerbaer persoonen maeckt v Compangie, Ende merckt hoe sy bedroghen worden aen allen zye, Die daghelijcx de schoone Vroukens soecken Zy crijghen twist, vechtinghe, ende bittere envye, Kreupel oft lam ghehouwen in sommighe hoecken, Als dan moeten sy sinte Reyn-uyt besoecken, Ende lijden armoede sonder ghetal Den heylighen Man meught ghy dan vloecken, Elck wachter hem voor, dit is t'slot van al. Finis.

Vorige Volgende