Diarium van Egbert Alting 1553-1594

Dynxdach post Palmarum, 20 Martii 1554.

B. ende R. kennen, dat de samptlyke nabers an de Lane hoer strate vant jath heer aff uuth dat zuyden wes int noerden na den waterpasse sullen maecken, sodat het water vant jath aff sijn vrije tucht ende loep hebben mach, als dat voerhen ghewest ende sijn ganck ende loep ghehadt hefft ende dat selve also eerstes daghes te gescheende. Des verbuth B. ende R. Hindrick ende Johan, de stratemakers, dat se ghene meer stadt- offte borgerstraten dan binnen shuesters sullen moeghen maken.

Gheconsulteert van nije bussen to maken, daertho ghecommitteert borgemester Albert Coenders, Geert Hoerntken, Joachim Ubbena ende Albert Rolteman, raedesfrunden, Derck Schaffer, Frerick Koyter⁴⁾ ende Johan Kevelinck. Hiirtho omme to gaen ende elckes ghyffte an to tekenen. Mede gesecht van een gheschoerde klocke to Finserwolde, daer 4 klocken gewest ende de toern ghevallen etc.

4) Familie van de grote anatoom Volcher Coiter (1534-1576)? Zie voor deze: Opuscula selecta neerlandicorum de arte medica XVIII, (Haarlem 1955)

[p. 11]

Abbrinck weder inghebracht, woe he bij den lieutenant gewest ende de protestatie ghedaen hedde, dat men de publicatie wolde doen, neet uuth gheboet, dan uuth vrij- ende guetwillicheit, Kon. Mat. to leve, dewijle deselve ydtzundes mit krijchsgeschefften beladen (adhibitis ad hoc notario et testibus); daerup mijn here de lieutenant gesacht: ‘doedet neet’, tselve 2, 3 mael verhalende, doch Abbrinck hadde gedaen na sijn bevell van B. ende R. An den avendt hadde sijne H.W. Pauwell Vrese angesent, um scryfftlyck to erlangen de protestatie daerup.