Donderdach 7 Maii 1556.
Up huyden den 7 Maii 1556 hebben de 4 stadtdeneren, als Harmen van Metelen, Johan Bartoltz, Albert van Rijssen ende Harmen Baroltz, seker beredinge gedaen voer een erb Rade, woe se uuth bevell ende heten des borgermesters in der tijdt up ghysteren hadden gedaget alle de principaelsten, de se wusten offt kenden in de Ummelanden gheguedet te sijnde, umme tegens huyden tho 7 uren up den raedthuese neffens den erb. Rade tho komen. Hiirup sijn up de bestemmede tijdt allene erschenen de hoechgeleerde ende erb.doctor Johan Sickinghe, Johan tho Lellens, borgermesteren, Sasscher van Heringa, Johan Schaffer van Wolde ende Gheerdt dMepsche ende sijn de sake myt B. ende R. verdraghen, dat de 2 olde deputeerden, to weten doctor Johan Sickinghe ende Johan tho Lellens, borgermesteren, in de deputeerschap van wegen der egenarffden in deser stadt woenachtich, de in den Ummelanden mede ghegoedet synt, sullen blijven, soe se voerhen van weghen B. ende R. daertho gedeputeert gewest synt. Daertho B. ende R. nu uuth sich ende van hoerent wegen oeck verordnet hebben de erbaren Albert Jarges ende Johan Hoernken, amptman gewest, welcker heren ende vrunde datsulve oeck an sich durch anlangert ende begeerte, als vorgescr., guetwillich angenomen hebben.
Auteursrechtelijk beschermd