Diarium van Egbert Alting 1553-1594

Saterdach 9 Octobris 1557.

B. ende R. hebben der patres²⁾ voerghevendt redelykermate verstanden, belangende dan ydt voerghevendt, dat een erb. Raedt sich solde hebben onderwonden de mortificata bona an tho tasten, hebben de patres wall ghenoech soe mundtlich soe schryfftlick moegen verstaen ende ermarcken, des erb. rades menonghe neet ghewest, den convente in hoere ghuederen tho verkorten, sunder deselve ende insunderheit der armen clarcken hoere ghuederen tho bescharmen ende voer tho staen ende een upsicht daermede up thebben, ys derhalven in dem

2) Van het Fraterhuis. Zie 23 augustus 1557.

[p. 81]

deele den erb. Raedt van den tegenwoerdigen patres tho lang naeghegeven. Angaende oeck, dat de patres vermenen te seggen, dat de upsicht den patribus als visitatoren solde thobehoeren, achten B. ende R. den patribus nicht onbewust tvermeldt ende inholdt der principaler fundatie desses fraterhueses alhiir, als dat de upsicht insunderheit bij den pastoren ende een erb. Rade thosteyt ende thebben behoert.

Soe dan enich onverstandt tusschen den fratres alhiir ende een erb. Rade gewest, ys dselve an den heren pastoren begheven, dewelcke de wall verstaen ende vrundtlyken werden henleggen, insunderheit soe men neet ghemeent den fratres alhiir int clene noch int grote in hoere ghueder, als voergesacht, tho verkorten noch verhinderen. Holden derhalven B. ende R. den pater alhiir myt den procurator noch ter tijdt onverdacht, als dat bij se de schuldt solde sijn der upgelachte schulde, sijn oeck daerumme een erb. Raedt gheneget, hem hoer szegell ende regysteren tho restitueren ende kennen desulve oeck noeffachtich ghenoech des conventz szegell, boeken ende ghueder voertan tho verwaeren, szo lange se sich truwlyck ende eerlyck werden holden ende alsoe ander fratres in desen convente tho stellen nicht noedich werth sijn.

De rentemester van den grave van Benthem van een erb. Raedt begheert, he dat hues, soe sijn g.h. der grunsinge halven solde verstaen sijn, den gebrueker bij een stadtdener solde moegen verbeden laten. Daerup den gemelten rentemester weder ingesecht, dat he mach den ghebruecker vorg. na een stadtrechte dat voersz. hues bij eenen raedtmanne laten upseggen edder verbeden, doch alle tijdt up een verdedinghe.