Diarium van Egbert Alting 1553-1594

Vrijdach 21 Julii 1570.

Soe de Italianer¹⁾ anwijsinge der lande begeert, daer se de groene soeden solden, den naesten wech den minsten schaden, moegen uutgraven etc., hebben de heren ende gheswoerne van wegen der stadt voer antwoert laten inbrengen, woe dese stadt ene grote summe van 60 dusent gl. eens voer all tot upbouwinge des vasten hueses tot hoerer groten belastunge up to brengen beloefft, off 6 dusent gl. jaerlix daervoer, verhoepen daermede sijne Mat. dienangaende genoech gedaen thebben, soedat oeck daerenboven de stadt Groeningen, noch der selver onderhoerigen landen, overall neet en sullen noch en behoeren beswaert offt vordorven te worden, bijsunders soe ander bequamer onnutbarer landen van uterdijcken ende andere dan alhiir voer der poerten ende om der stadt tho bekomen.

1) Zie 6 juni 1570.