Diarium van Egbert Alting 1553-1594

Maendach 3 Martii 1572.

Upt versueck durch den gestrengen heer lieutenant wegen des hoechweerdigen heer bisscops voergedragen, van dat de capittelsheren des axcijses muchten entslagen sijn etc., begeren de heren B. ende R., oldt ende nije, sampt T., S.M. ende B.v.d.g., dat der hoechweerdiger heer woll gelieven, mit der voergen. saecke noch gedult te dragen tot eenen beteren tijdt ende dat tom geringsten, bes de stadt ende schamel borger van den ingelachten soldaten (off Godt will) sullen gevrijet ende entlediget sijn, werden alsdan sijn hoechwerd. mit een billick ende reedtlick antworth bejegenen.

[p. 209]

Nota, dat der heer lieutenant laten angeven van twe notarien, de alhiir van sRijckswegen enige tugen (na den billet, se overgeven werden), to examineren geneight, belangende de van den vrijbuteren beschadight muchten sijn, mit begerent, deselve personen durch den heren borgermester in der tijdt, tot waere kundtschap tho gheven, muchten rechtlick ad 7 Maii citeert ende verdachfaerdet worden, als des an sijn er. 1. versocht.

De heren B. ende R. sehen voer guedt an, dat de olderman ende hoefflingen van der schutenschuverghilde mit ende vanwegen derselver ghilde desen suppliant contenteren ende tovreden stellen voer sodanen torff, als deselve suppliant den contrerulleur verlecht ende gelevert hefft ende em noch onbetaelt mach sijn. Alsus getekent up seker supplicatie.