Diarium van Egbert Alting 1553-1594

Donderdach 8 Martii 1582.

Wij B. ende R. der stadt Groeningen doen kundt ende betugen midtz desen, soe ende nahdem mennichfoldige clachten ende schelingen tusschen den huysluyden sampt anderen eens ende den soldaten oft sudelers anderdeels ons dagelicx voervallen, heerkomende van affgenomen ende entfrembdede peerden, ossen, koyen ende andere beesten, waeren ende ghoederen, waerdurch dan saecken van importantie dickwils belett ende verachtert, hebben derhalven mitt den edelen, gestrengen heern Franchois de Verdugo, superintendent ende veldtoeversten,

[p. 552]

voer guet ingesehen, dat wedertzijden (soe van der soldaten, als oeck van der borger ende huysluyde wegen) twe erbare discrete personen erwehelet, de onder hoer veeren alsulcke quaestien ende geschylsaecken als voerg. sullen mit vlij te verstaen, voerts endtlick decideren ende nederleggen; daertho wij dan mitten anderen twen heren adjuncten hebben authorzeert ende verordnet, den erb. Garbrant Heynens ende Fredrick Moysteen, onse gewesene raedtsfrunden, in de voersz. saecken tdoende, als se samentlick mitten ander sullen bevinden na ghoede rheden ende billicheit te behoerende, des sall oeck derselver 4 verordenten kenninge ende uuthspraecke tusschen partijen in saecken voersz. effect sorteren ende even bundich geholden worden, gelijcken off des in ordinaryssen gerichte voer ende durch ons rechtlick verclaert ende gesententieert weere, allent gedurende tot onser revocatie ende sunder praejudicie dusser stadtz privilegien vrij- ende gerechticheyden.