Logo DBNL
Nieuwe taal- en dichtkundige verscheidenheden. Deel 1 (1824)

Nieuwe taal- en dichtkundige verscheidenheden. Deel 1

(1824)–Willem Bilderdijk–rechtenstatus Auteursrechtvrij

Vorige Volgende

Tweede Fragment.

 
+Ende neech den ḡue op sinen voet,
 
Ende dankes hem omodelike.aant.
 
Doe riep .Rt. astelike
 
Te wapene al sine baroene.
5
Doe wapendem menech eelt coene.aant.
 
.xii. riddre te warenaant.
 
Wapenden sie sonder sparen.
 
Hare orsse sullen si bescriden,
 
Ende met Rt. aren hare ridenaant.
10
Ten cloester waert op die moude.aant.
 
Ende alsi quame buten woude,
 
Sprac .Rt. te hem: Nu doet wale,
 
Ende hoert .i. luttel mine tale.
 
Gi moet hier bliven; ic sal varen
15
Te beuerepar sonder sparen,aant.
 
Ende bidde roel' minen neue,
 
Dat hi mi ywe gevangen geue.
 
Wil hine mi geuen met ghemake
 
Ik nemine, op al selke sake,
20
Dat ic ywen te montalbaenaant.
 
In minen cark' houde geuaen,
 
Ende berade hem so weaant.
 
Hine v'raet mi nomm'mee.
 
En wilhine mi oec geuen nietaant.
25
Sprac Rt. dat coene diet
 
Met vrinscepen, ende met minnen,
 
So salict v doen bekinnen,aant.
 
Ende alsic blase minen horen,
 
Volget mi dapperlike met sporen.
30
Doe antw'den die baroene:
 
Dit ne staet ons niet te doene;aant.
 
Wi kennen die fransoyse wel,
 
Si sijn ou'dadech ende fel.aant.
 
Wat so ons d'na gesciet,
35
Allene waerdire niet,+aant.
 
Het sal met v varen rits',aant.
 
Ende v biriden adel'.
 
Doe sprac Rt. nemmer niet!aant.
 
Dan wille god niet dat ghesciet!
40
Ic sal allene voren riden,
 
Te beuerepar sonder biden.aant.
 
Doe nopte .Rt. met sporen+aant.
 
Sijn ors metten sporen van goude,
 
Ende reet vaste ten cloester waart.aant.
45
Stoutelike ende onu'vaert.aant.
 
M' eer hi quam te beuerepaer,
 
Seit ons dat liet ou'waer,aant.
 
Dat roel' die coene man
 
Den cloest' op die moneke wan.
50
Ende dat ywe (semmin leue)aant.
 
Hem roel' heeft op gegeuen;
 
Ende roel' dedele man
 
(Also helpe mi st ihan).
 
Heeft ywen (met ywen) met .i. bandeaant.
55
Ghebonden bede sine hande,
 
Ende dedem al sonder pineaant.
 
Om sinen hals .i. line,aant.
 
Ende leddene te woude waert,
 
D' hi ywen metter waert+aant.
60
Sciere soude nemen dleuen,aant.
 
Wilden god die scade geneuen.aant.
 
M' doe sach roel', die eelt goet,
 
Rt. comen in sijn gemoet;
 
Ende Rt. riep: soete neue,
65
Suldi mi den v'radre geuen?
 
Ten minen castel te montalb'
 
Voer ickene dan gevaen,
 
Ende beraden hem so we
 
Ons ne v'raet hi nemm'mee.
 
 
70
Roel' antw'de saen:
 
Rt. dese tale laet staen.
 
Alse geue mi god pardoen,aant.
 
Ic sal den dief angen doen
 
(Dat segic v) bi siere kele.
75
Rt sprac: Dat ware te vele:
 
Hets miere kind' oud' vad';aant.
 
Si soudens hem scamen al te gad'.
 
M', roel', wildine mi geuen,
 
Ic houdene geuan al min leuen
80
In mine carkerstene,aant.
 
Biden here van nasarene,
 
D' ne mam nemm'mee ne siet.+aant.
 
Doe sprac rol', dat coene diet:
 
Rt. wats v gesciet,aant.
85
Al dat gi bid es al om niet.
 
Vliet varing van minen ogen,aant.
 
Inne caent lang' niet gedogen,aant.
 
Ic moet ywe, den wigant,
 
An desen boom angen te ant;aant.
90
Dat segic v ende doe v'staen.
 
Rt. antw'de saen:
 
Gine sult niet, h' roel',+
 
Ic hebbe floberge in min ant,aant.
 
D' ic eer met soude vechten
95
Ende ywen minen sweer v'rechten;aant.
 
(Alse help mi st simoen!)
 
Eer ickene liete aldus v'doen.
 
Doe sprac roel' die eelt vri:
 
Aerg' puter kint, wiltudiaant.
100
Al noch iegen mi hier setten?aant.
 
+W'p ou' den reep sonder letten?
 
Ende anctene hier an dese ranke,aant.
 
Wien dat si lief ofte dancke.aant.
 
Rt. antw'de: bi st ihan,
105
Inne vinde heden so coenen man,
 
Die minen sweer sal angen,
 
Ende sal hem te scanden v'gangen.+aant.
 
Rt. antw'de mettien:aant.
 
Bi miere wet, dat salic sien.aant.
110
Doe beette roel' gew'de
 
Van orsse op die erde.
 
Den reep w'p hi omme saen,
 
Ende wilde ywen angen gaen.+
 
 
 
Als dat sach Rt.
115
Dat hi roel' niene mach
 
V'bidden, hine winde te ant+
 
Ywe angen in sijn lant,
 
Slouch hi met sporen beyarde,aant.
 
Ende vinc astelike ten sw'de.aant.
120
Den reep trac die graue roel',
 
Rt. onttrackene te ant.
 
Ywe viel neder op die erde;
 
Doe grepene donv'v'de
 
Rt. ende leidene saen
125
Vor hem, dat doe ic v v'staen,
 
Ende spranc met asten op beyarde,aant.
 
Ende vlore mede siere varde.
 
Als dat sach die graue rol',
 
Spranc hi op sijn ors te ant,
130
Ende volgede den heelt v'coren.aant.
 
Hi ads in sijn h'te toren,
 
Dattem Rt. die iongelinc
 
Ghenomen hadde den coninc.
 
D' omme riep die degen stout:aant.
135
Ghi sijt v'radre, h' Rt.
 
Doe antw'de hem te ant,+
 
Inne ben niet, roel'.
 
Gi sijt bi gode; dat willic nu
 
Alte ant proeuen op v.
140
Doe sprac Rt. sonder scamp:aant.
 
Ongedeelt ware dese camp,aant.
 
Want bi gode van naserene,
 
Inne ben hier m' ollene,
 
Ende gi sijt hier met riddren vele.
145
Rt. mochte met mi gaen vte spelen.+aant.
 
Wildensi mi al gad' slaen,
 
Hoe mochtic metten liuen ontgaen;
 
M', alse helpe mi sente amant,
 
Dordi mins ontbiden te ant,aant.
150
So lange vile op desen dach,+aant.
 
+Dat ic hier totu comen mach;
 
Alse behoude mi god in eren,
 
Ghewapent salic wed' keren.
 
Ende d' toe, al ywes man.aant.
155
Ja ic, sprac roel', bi sente ihan,
 
Wildi mi doen des sekerhede,aant.
 
Gi sult mi vinden hier ter stede.
 
Ja ic, sprac die ionghelinc.
 
Doe setti neder den coninc,
160
Ende kerde weder te beyarde,aant.
 
Tote roel' op die warde,aant.
 
Alsus sal Rt. sem min leuen
 
Roel' sine trouwe geuen,
 
Dat hi kortelike keren sal,
165
Hem ne lette god ende geval,aant.
 
Ende vichten iegen hem d'
 
Enen camp ou'waer.
 
Ald' sal roel' met eren
 
Ten genoeten weder keren.aant.
170
Doe sprac og' sond waen:aant.
 
Roel' brindi Rt. gevaen,aant.
 
Of heb dine doet gheslegen,
 
Of heeft v die coene degen
 
Ghenade gebeden? segt ons saen.
175
Of brindi sinen swer gevaen?aant.
 
Roel' antw'de in fransoeis:aant.
 
Swich, god v'wate di, dannoeis.aant.
 
Ghi h'en, sprac rol' met sinne,
 
Ic sal uaren ten cloester inne,
180
Ende gi moet alle gemenelike
 
Weder keren in vrank'.
 
doe antw'de og' te desen:
 
Roel, wildi monec wesen
 
V berrouwen v mesdaet?+aant.
185
Nv vaert, ende bit den abt ghenade.
 
Doe sprac roel' .i. riddre fier:
 
Swijch, v'waten warstu! og'
 
Doe sprac die dannois so flam:aant.
 
Nv willic swigen; roel' es gram.
190
Doe sprac die bisscop tulpin:aant.
 
Roel' laet dese tale sijn,aant.
 
Twi soudi in vrank'aant.
 
Alle keren gemenelike,
 
Ende gi sout bliuen te beuerepaer.
195
So segic v ou'waer,
 
Teerst dat wi quame in vrank',
 
Vorden coninc onsen hereaant.
 
Van v weten niemareaant.
 
Wat mochte wi laten dan v'staen
200
Kl' den coninc wel ghedaen,
 
+Als gi achter ons blieft hier?
 
Doe antw'de die graue fier
 
Wel astelike dien neue sijn:
 
Ic saelt v seggen, h' tulpijn.
205
Hets mi also comen,aant.
 
Ic hebbe Rt. wedde genomen,aant.
 
Dies mi die h'en van montalb',aant.
 
Die v'ranesse heuet gedaen,
 
Dat hi mi den dief ywen nam;
210
Hier omme wasic h'de gram,
 
Ende hebbe op den eelt gemeit,aant.
 
Die v'ranesse al op geleit.
 
Doe sprac die bisschop vtev'coren:
 
Roel' neue, hebdi ghesworen
215
Rt. doet van montalb',aant.
 
Sone mogedi niet ontgaen.aant.
 
Dat segic v sonder hane.aant.
 
Noch weten wie alle wale,
 
Sprac die bisscop donu'uarde,
220
Dat men v met genen sw'de
 
Mach ontginnen no met spere;aant.
 
Gi sijt beter dan .i. here;aant.
 
M' siet hier die trouwe mijn,aant.
 
Sprac die bisscop tulpijn,
225
W't Rt. vor v v'slegen,+
 
Gine sult niet .iii. dage leuen.
 
Menne sal v, degen w'de,aant.
 
Grauen onder die coude erde.
 
 
 
Daer dit sprac h' tulpijn;
230
W't blide og' die eelt vri+aant.
 
Ende sprac astelike:
 
An god van hemelrike!aant.
 
Geuen moeti, te ant
 
Dat vichten moete Rl.
235
Yegen Rt. van montalb',
 
So sali proeven h'de saen;aant.
 
Van groter cracht den iongen man+
 
In elken wige geleesten can.
 
Doe sprac rol' .i. elt fier:aant.
240
Bi gode, ic geggu, h' oḡ,+
 
Dat ic niot geue omme sijn doen,
 
Alse goet als .i. bottoen.aant.
 
Doe sprac rits' van normendie:
 
Ghenade vrouwe se marie,
245
Roel' grave vtev'coren,
 
Hebdi Rt. doet ghesworen,
 
Siet hier ont trouwen (sprac die degen,)aant.
 
W't van v Rt. v'slegen,
 
Roel', gine doet nemmermeeraant.
250
In vrank' weder kere.
 
+Als dit sprac die rike norman,
 
Doe seide die h'toge van ardann
 
Edel neue roel',
 
Hebdi die doet vanden wigant,aant.
255
Eer gi keert in vrank'
 
Emb' ghesworen sek'like,aant.
 
Sone mogedi niet ontgangen,
 
Wine sullen v alle angen.
 
D' dregeden gemenelike
260
Oldie genoete van vrank'aant.
 
Ome Rt. wille van montalb'
 
Dien hi met campe wilde bestaen.aant.
 
Doe antw'de die graue roel':
 
Nu eeist mi ten gorgen bewant.aant.
265
Wildi mi al gader dregenaant.
 
Inne mach niet v'weren.
 
 
 
Doe sprac. noy. die wigant:aant.
 
Hoert na minen raet, roel'.
 
Na wat rade salic horen,
270
Sprac roel' die graue v'coren;
 
Ik hebbe Rt. den wigantaant.
 
Mine trouwe alte ant,
 
Dat ic iegen hem vichten sal,
 
Mine lette god ende ongeual.
275
Also helpe mi god van paradise,aant.
 
Inne lage miet om al paris,
 
Inne ware vanden eede quite
 
Iegen Rt inden crite.aant.
 
Eecht sprac naij .i. eelt fiin:
280
Roel', laet dese tale sijn.
 
Ne wildi na ons horen niet,aant.
 
Gine moet vichten wats gesciet
 
Endelike iegen Renoude,
 
Onsen neue van m'ewoude;
285
So willic dat gijs seker sijt,
 
Taleerst dat gi sijt int crit,
 
So sullen comen gemenelike
 
Die .xii. genoete van vrank'
 
Met haren swerden bi st ihan,
290
Op Rt den coenen man
 
Ende wille ons wiken da Rt
 
So sidi quite, riddre stout,
 
Vanden geloue, dat seggic vaant.
 
Daer gi gebonden met sijt nu;
295
Ende wilhi ons oec wiken niet,
 
So es' hem euele gesciet:
 
Wi sulne vaen gemenelike
 
Ende voornen in vrank'.aant.
 
Doe antw'de ro(o)l' die degen:
300
.I. valsch raet es' hier gheslegen.
 
Alse geue mi god pardoen,aant.
 
Das ne salmen mi niet doen;
 
Ic wille den camp allene vechten,
 
Ende mi seluen int crijt v'rechten.
305
Dus bliuen die ghenote d'!
 
Dat seggic v al ou'waer,
 
Dat Rt, die heelt onu'vaert,
 
Voer rechte te montal'ban waert,
 
Ende voerde ywen den coninc.
310
Het sijn w'like dinc;aant.
 
Ende Rt leuerdene sinen wiue,
 
Dat seggic v bi minen liue.
 
 
 
Als doe Rt v'nam
 
Dat hi te montalban quam,
315
Sprac hi, vor die h'en al gad':
 
Vrouwe, nemt hier vwen vad';
 
.I. den alre valsten man
 
Die nie siele of lijf ghewan.
 
Die v'uwe antw'de omoedelike:
320
Dat loen v god van hemelrike.
 
Nochtan was soe h'de gram
 
Op haren vad' die quam,
 
Ende v'sprackene h'de seere.aant.
 
Soe seide: v'radre, groet onnereaant.
325
Hebdi gedaen ende grote scande,
 
Dat gi voert in vranclandeaant.
 
Ende v'cocht d' Rt,
 
Minen h'e van m'ewoude,
 
Ende alle mine swaghelingheaant.
330
Die v in veel menege dinge
 
Hebben gedaen groete ere,
 
Ende van veele lants ghemact here.
 
Dit ende noch me sei soe,aant.
 
Ende sprac ni[di]delike toe.aant.
335
Doe riep Rt (dat wet wale)
 
Met lud' kele in die sale.
 
Doe swegen die h'en al te male
 
Ende Rt sprac dese tale:
 
Ghi h'en, sprac die grauen fier,
340
Ghi moet alle bliuen hier,
 
Ende ic sal allene varen
 
Te beuerepaer, al sonder sparen.
 
Doe sprac sijn broed' adel',
 
Die coenere was dan .i. liebaert:
345
Rt, dat v god bewaere,
 
Wat suldi doen te beuerpare?
 
Doe sprac Rt die wigant:
 
Adel', bi st amant,
 
Ic hebbe ghenomen, sond' scamp,
350
Iege roel' .i. camp
 
Te beuerepaer op die heide.
 
Doe sprac adel' ende seide
 
Toten riddre wel gheboren:
 
Wat duuel, Rt, hebdi ghesworen
355
Emb' die doet van roel',
 
D' mach wel ons af come scande.
 
Want gi weet wel dat de degen
 
Ninet ne mach w'den v'slegen.aant.
 
Bedi hi es der beste .i.,aant.
360
Die die sonne ie besceen;aant.
 
Ende, bi den h'e die mi gheboet,aant.
 
Vichti iegen hem, gi sijt doet,
 
Ende wine v'soenen nem'mere
 
Iegen krl' minen h'e.
365
Rt antw'de saen:
 
En trouwen ic sal die vaert bestaen,aant.
 
Danne lietic dor ne gene noet,aant.
 
Al waendick' bliuen doet.
 
Ooc weende vrouwe claradijsaant.
370
Bitt'like, des sijt wijs,
 
Ende clagede Rt sere.
 
Doe sprac mal' die here
 
Te Rt wiue, dat seggic' v:aant.
 
Vrouwe laet staen v wenen nv.
375
Dat v god houde en beware!
 
Want Rt moet te beuerepaer.
 
Emb' waren sal die h'eaant.
 
Nemb' gheerigen ere
 
Ende wilhi sine trouwe quiten,
380
Iegen roel' in den coite.+aant.
 
Loge hi hem in den crite,
 
Men sous hem lachter spreken groet.
 
Ic salre varen, sprac' die eelt fier+aant.
 
Ende emb' salic hem wesen bi.
385
Adel' sprac, ic sal varen;
 
Rits' entie coene writs'aant.
 
Ghereden hem oec ter vaert,
 
Al te varene met Rt.
 
Doe sprac die graue van merwoude
390
Te sinen broedre openbare:
 
Inne wille niet dat iem̄ vare,
 
Want, bi gode van nasarene,
 
Roel' beit d' miins allene.
 
Dus sullen die ou'coene reckenaant.
395
Op die heiden (henen) trecke:aant.
 
Want elc adt andren vanden wigandenaant.
 
Te voren ghesekert wel met anden.
 
Dus voer die riddre met beyarde
 
Te beuerepare op die warde.aant.
400
Ende alsi tforest es ledenaant.

Vorige Volgende