Officia Ciceronis, leerende wat yeghelijck in allen staten behoort te doen, bescreuen int Latijn

Van maticheyt.
Het xxxvi. Capit.

Nv staet noch te seggen van tvierde ende laetste deel van d'eerbaerheyt: te vveten van maticheyt, in haer behelsende schamelheyt (als een chieraet des leuens) oock bescheydenheyt ende besaticheyt van alle verstoringhen des herten, ende de rechte mate van alle dinghen. Hier inne is gheleghen dat de Latijnen Decorum maer vvy betamelijcheyt oft tghene dat lieflijc ende aenghenaem is, noemen: ende is van sulcker naturen datmens van d'eerbaerheydt niet scheyden en mach. Vvant alle wat be-

[fol. 37r]

taemt, is eerlijck, ende vvat eerlijck is betaemt ooc. ⁺Maer vvat onderscheyt de eerlijcheyt heeft vande betamelijcheyt, mach lichter verstaen dan vvtghesproken vverden: vvant men merct eerst vvat het gene is, datter betaemt, als d'eerlijckheyt voorghegaen is.

+ Duecht ende eere waren noyt verscheyden.