Officia Ciceronis, leerende wat yeghelijck in allen staten behoort te doen, bescreuen int Latijn

Van drie dinghen diemen in al tleuen onderhouden moet.
Het lv. Capit.

⁺Maer in alle datmen bestaen wil, moeten drie dinghen onderhouden zijn. Het eerste is, dat ons begheerte de redene ghehoorsame ende diene: ende ist alder bequaemste datmen vint, om in allen dingen het betamen te doen. Daer nae moetmen wel ouerlegghen de wichticheyt ende grootheyt van tgene wy volbrengen willen: op dat wy daer gheen meerder noch minder sorghe ende moeyte toe en ghebruycken, dan de waerdicheyt vander saken eyscht. Het derde is, dat wy wel gade slaen omme tgene dat de miltheyt aengaet, wel te mati-

+ Begheerte sal redene onderdanich zijn.

[fol. 55v]

ghen nae de ghedaente ende waerdicheyt der saken maer dat is de rechte ende alderbeste mate, als wy de bequaemheydt (daer voor af gheseyt is) onderhouden ende die niet ouertreden. Onder welcke drie, dat alder edelste is, als de begheerte redene gehoorsaemt.