Declaratie van dese nauolghende Epistele.
IVppiter wan Herculẽ aen Alc menã, in de gedaente van Amphytrio haren man: den welckẽ Herculẽ, Euristeus coninck van Mycenẽ, duer Iunoes haet (om dat Iuppiters bastaert sone was) in groote perijckelen altoos gesonden heeft, om dat hy soude moghen tonder gecomen hebben: maer waer dat Hercules gesonden wert, altoos was hy een verwindere. Maer al verwan hy alle felle beestẽ ende monstren, nochtans duer de liefde van eender vrouwen werdt hy verwonnen: want doen Eurytus Coninck van Oechalien, hem sijn dochter weygherde, die hy hem geloeft hadde soo wan hy de stadt, ende floech den Coninck doot, ende nam sijn dochter, duer wiens liefde werdt hy so verblint, dat hy in haren handen gaf sijn cudse, daer hy so vromen feyten mede bedreuen hadde, ende het leeus vel, dat hy plach te draghen ouer sijn schouderen, ley hy oock af dwelck Dianira vernemende, was heel verstoort, scrijuende hem desen brief.
Auteursrechtvrij