Declaratie van dese nauolghende Epistele.
DAnaus de sone van Belus, hadde van diuersche huysvrouwẽ vijftich dochters, eñ sijn broeder AEgiptus hadde daer tegen oock vijftich sonen, de welcke woude sinen broeder bedwinghen dat sijn dochters sijn sonen trouwen souden: maer Danaus en woude dat niet doen, want twas hem gepropheteert, dat sijns dochters man hem noch dooden soude. Duswaren de broeders altijt twistich, ende Danaus is ghevlucht in een ander landt, ende aegyptus heeft belast sijnen sonen dat sy met gewelt sijns broeders dochters halen souden: so hebben sy hem veruolcht ende alsoo benaut, dat hy moeste consenteren dat sijn dochters haer trouwen souden. Inder nacht als elck bi sijn bruyt gaen slapen soude: doen hebben de dochters duer het scherp beuel van haren vader, elck haren bruygom vermoort sonder Hypermnestra, die was bermhertich, ende hadt lieuer selue de doot te steruene dan sulcken werck te doene, dies haer vader vergramt, heeftse in den kercker ghesedt, dies sy desen claechlijcken brief tot Lino schrijft.
Auteursrechtvrij