Declaratie van dese nauolghende Epistele.
LEander een ionghelinck sijnde, in een stadt woonde geheeten Abydos gheleghen in Asia, de welcke beminde een ionghe maecht ghenaemt Hero, woonende in een ander stadt geheeten Sestos: maer want tusschen Abydos en Sestos een cleyn zee gelegen was, so en mocht Leander Hero altoos tot sinen wille niet spreken, ende ontsiende ooc sinen vader tot haer niet wel varen en dorste, soo is hy dickwils by nachte wt sijns vaders huys heymelijck ghegaen, ende is in dzee geloopen swemmende naer sijn liefste. Maer ouermidts grootẽ tempeest dat hy de zee niet gebruycken en mochte, soo hadde hy verdriet in sijn herte, eñ sant haer desen brief, haer vermanende dat sy haer niet laten verlangen en soude, hy soude terstont bi haer comen, waert sake dat eenich weer worden mochte, maer lieuer sou hijt noch auontueren te swemmene, niet ontsiende den storm oft tempeest dan langere haer gesichte te deruene.
Auteursrechtvrij