Den lust-hof der Christelycke leeringhe

[p. 57]

[p. 58]

Iesv Christo amori meo crucifixo.

Ad modulos:
Omni die ,, dic Mariae, mea laudes anima.
Oft: als vooren pag. 57.

⁺ECquis binas ,, columbinas

Alas dabit Animae;

Vt in almam ,, crucis palmam

Euolet citissimè?

In qua Iesvs ,, totus laesus,

Orbis desiderium,

Et immensus ,, est suspensus,

Factus improperium.

O cor scande // Iesv pande

Charitatis viscera;

Et profundè ,, me reconde

Intra sacra vulnera.

⁺In superna ,, me caverna

Colloca maceriae,

Hìc mî fidum ,, struens nidum

Finem da miseriae.

O mi Deus! ,, Amor meus,

Túne pro me pateris?

Proq́ue indigno ,, Crucis ligno,

Iesv mi, suffigeris?

Pro latrone ,, Iesv bone,

Tu in crucem tolleris?

Pro peccatis ,, meis gratis

Vita mea moreris?

Non sum tanti ,, Iesv quanti

Amor tuus aestimat:

Heu cur ego ,, vitam dego,

Si cor te non redamat?

+ Psal. 54. 7.

+ Cant. 2. 14.

[p. 59]

 

Ecce pluit ,, sacer fluit

 

Toto sanguis corpore,

 

Vndequaque ,, de vtraque

 

Manu, pede, latere.

 

 

 

Sed heu parce ,, fores arcae

 

Claude viuos ,, Iesv riuos

 

Tui sacri sanguinis.

 

 

 

Vna stilla ,, satis illa

 

Redimendis omnibus.

 

Euge Christe ,, fontes siste:

 

Datum sat hominibus.

 

 

 

Ah! plus satis ,, charitatis

 

Ostendisti Domine:

 

Sed Amori ,, non sat mori

 

Millies pro homine.

 

 

 

Benedictus ,, sit invictus

 

Amor vincens omnia;

 

Amor fortis ,, tela mortis

 

Reputans vt somnia.

 

 

 

Iste fecit ,, & refecit

 

Amor, Iesv, perditum:

 

O insignis ,, Amor ignis,

 

Cor accende frigidum.

 

 

 

O fac verè ,, cor ardere,

 

Fac me te diligere,

 

Da coniungi ,, da defungi

 

Tecum, Iesv, & viuere.

 

 

 

Per felices ,, cicatrices

 

Precor, & per sanguinem,

 

Necem trucem, perq́ue crucem

 

Da beatitudinem.

Amen.