Den lust-hof der Christelycke leeringhe

[p. 161]

[p. 162]

Gratiarvm actio pro divinis beneficiis.

Ad modulos:
1. Pange lingua gloriosi. 2. Crux fidelis inter omnes. 3. Tibi Christe splendor Patris. 4. Vrbs Ierusalem beata. VVilt ontspringhen ,, lofsangh singhen. 6. Ter fonteyn van't eeuvvigh leven.
Vel, vt suprà pag. 161.

QVas, ô summe Rex caelorum,

Grates tibi referam?

Pro collatis tot donorum

Millibus quid offeran?

⁺Cùm meorum nil bonorum

Egeas si deferam.

Tu me Deus adamasti

Charitate nimia;

Cùm non essem, me creasti

Sola tua gratia;

Angelumq́ue deputasti

Mihi pro custodia.

Gratias tibi, quod esse

Deus mihi dederis,

Et quod quidquid est necesse

Largiter adieceris,

Hactenusq́ue superesse

Immerentem feceris.

Heu! quis credat? pro me Deus

Natus es de Virgine,

Me salvasti factus reus

Pretioso sanguine,

Quid rependes Amor meus

Debitor hoc nomine?

Quid est homo? cui dedisti

Te nascens in socium?

Cui tui reliquisti

Corporis edulium?

Sanguine quem redemisti?

Cui futurus praemium?

Me renasci sacro fonte

Fecisti baptismatis,

Oleo post haec in fronte

Confirmari Chrismatis,

Neque partes sequi sponte

Haeresis, aut schismatis.

+ Psalm. 15. 2.

[p. 163]

 

Peccatorem dignum sperni

 

Quantum Iesv diligis!

 

Mersum faucibus inferni

 

Quoties, heu! erigis?

 

Et in semitam superni

 

Vltro regni dirigis?

 

 

 

Si peccati quid omisi,

 

Donum fuit Domini:

 

Boni quidpiam commisi?

 

Laus sit Iesv nomini.

 

Ah! quid possum? Deus nisi

 

Gratiam des homini.

 

 

 

Ecquis tantis respondere

 

Queat beneficijs?

 

Iesv grates fac habere

 

Iugibus officijs,

 

Meq́ue totum devouere

 

Sanctis sacrificijs.

 

 

 

Ego vermis & putrido

 

Quidquid sum per gratiam,

 

Totum tibi Iesv cedo

 

Ob bonorum copiam;

 

Corpus, animam, cor dedo;

 

Et quodcumque faciam.

 

 

 

Omnes animae iustorum

 

Mecum grates agite,

 

Coetus omnes Angelorum

 

Deum benedicite,

 

Et in saecla saeculorum,

 

Alleluia canite. Amen.