Den lust-hof der Christelycke leeringhe

[p. 236]

[p. 237]

Iesv Christo svb Evcharistico velamento praesenti.

Ad modulos:
Hoort Christenen, en leert. pag. 201.
aliosq́ue ibi notatos.

REx clementissime,
Iesv dulcissime,
Fili Dei, & Mariae,
Te colo Domine,
Tectum velamine
Sacrae Eucharistiae.

Natum de virgine
Corpus, cum sanguine
Suppliciter adoro:
O latens Deitas,
AEterna veritas,
Te venerans imploro.

Sub panis specie,
Sub vini latice
Adoro Christum totum:
Eius presentiae,
Eius clementiae,
Cor offero deuotum.

Aue Rex gloriae,
Dulcis memoriae
Aueto Iesv Christe:
Te mundi pretium,
Caeleste praemium.
Figurae velant istae.

Aue flos virginum,
O Sponse sanguinum,⁺
O caro Saluatoris;
Tua dulcedine
Totum me detine,
Perennis fons amoris.

Grande mysterium
O! desiderium
Mei cordis accende!
Caeli delitias,
Veras diuitias
Hîc Iesv mî ostende.

O mundi victima,
Te sitit anima,
Te quaerit pie Iesv:
Iesv spes vnica,
Huic te communica
Sacratae carnis esu.

O mira bonitas!
O summa charitas!
En Domini maiestas
Sub hoc vmbraculo
Se donat famulo;
Quid Iesv mihi praestas?

In hoc te saeculo
Videbo in speculo,
Post vitam terminatam,
Da mentis aciem
Videre faciem
Iesv desideratam. Amen.

+ Exod. 4.