Den lust-hof der Christelycke leeringhe

[p. 238]

Naer het ontfanghen des Lichaems Christi.

Vra.

WAt sal ick maecken naer
'tNutten van 'tSacrament?

Ant.

En loopt niet rasch van daer;

Tot bidden u ghewent:
1. Aenbidt u Godt en Heer'
Bedeckt onder die spijs':
2. Bewijst hem alle eer',
Lof, danckbaeerheyd, en prijs;
Dat hy gheweerdight heeft
Sijn selven u te gheven.
3. Bidt dat hy u vergheeft
V Quaedt voorgaende leven;
4. V selven hem op-draeght,
V hert, siel', en haer' krachten.
Al uwen noodt hem klaeght,
Opent hem uw' ghedachten;
Bidt oock met alder feest
Dat hy by u wil blijven,
En vlijtigh uwen gheest
Tot alle deughden drijven.
5. Maeckt dan een goed opset,
De sonden voorts te schouwen.
6. Een weynigh tijts oock let
Op d'aerde niet te spouwen:
7. Op dien dagh oock u wacht
Te wesen seer lichtveerdigh,
Als Godt u heeft gheacht
Sijns tafels niet onweerdigh.