Gedichten
(1981)–Willem van Hildegaersberch–
Auteursrechtelijk beschermdGa naar margenoot+LIII. Van gheduricheit.Die wel verdenckt in sinen leven,
Hoe rijcken loon dat God sel gheven
Den ghenen, die die boosheit haten,
Hi mocht hem geerne ter doghet saten,
5[regelnummer]
Ende ghedurich daer in bliven;
Want sy, die loff van enen scriven,
Die segghen dat gheduricheit
Mantel is ende ommecleit
Van menigher doecht al hier op aerde;Ga naar margenoot+
10[regelnummer]
Want onse ghedocht hevet snelle vaerde,
Ten blijft niet langhe op ene stede,
Gheduricheit en isser mede
Ende helptet ende te vollen draghen.
Wanttet comt in sijn behaghen,
15[regelnummer]
Soe machmen tweldoen eerst bescouwen.
Wye ghedurich is in trouwen,
Die crijcht loon van karitaten,
Dat hoept hi zere tot sinen baten;
| |
[pagina 104]
| |
Ga naar margenoot+Want weldoen is een sallchede
20[regelnummer]
Te Gode ende oeck ter werlt mede.
Weldoen voertmen sonder blame,
Dan machmen niet der schalken name,
Die mitter boesheit sijn besmet.
Weldoen heeft God selff gheset
25[regelnummer]
Ende vervolt mit sijnre leer;
Die boesheit comt van Lucifer,
Die salmen schuwen ende miden.
Wye in weldoen neemt verblyden,
Die hout die leer van Salomoen.
30[regelnummer]
Hier om soe saet u wel te doen
Ende blijft ghedurich al uwen tijt,
Als ghi dan tmiddel overlijt,
Soe comt u ende in eren voert.
Dan vervoldi dat edel woort,
35[regelnummer]
Datter staet inden scriftuer:
Mit reynre herten ende puer
Selmen Gode ten voorsten minnen,
Om den rijcken loon te winnen,
Dien Hi wil gheven alden sinen.
40[regelnummer]
Die mit arbeit ende mit pinen
Ghedurich blijft in bosen zaken,
Die machmen wel mit rechte laken;
Want sijn ende wort onreen.
Daer comt nae den langhen ween,
45[regelnummer]
Alsmen moet voert oerdel beven.
Daer staet van Gode dus ghescreven,
Dat dan sijn woorden sullen snyden
Als een zwaert an beyden zyden,
Dat te slane is ghetoghen.
50[regelnummer]
Dan alre eerst is hi bedroghen,
Die den bosen heeft ghedient.
Dat doet, hi is een wanckel vrient,
Die minne en heeft noch doeghet mede;
Mar die langhe zerichede
55[regelnummer]
Heeft hi verworven tsinen deel.
Hier om suldi al gheheel
Eerst ghedurich sijn in God;
Daer nae soe comt een ander slot,
Dat is broederlike minne:
60[regelnummer]
Soe wye ghedurich is daer inne,
Die sal sijn evenkersten eren,
Daer toe wisen ende leren
Waer hi mach, ter bester vrame:
Dat is Gode wel bequame.
65[regelnummer]
Ende sonderling in een ghespan,
Twisken vrouwen ende man,
Sel rechte min sijn ghestade.
Al doolde Adam by Yeven rade,
Nochtan bleef hi hoer ghetrouwe.Ga naar margenoot+
70[regelnummer]
Is hi heer off is hi vrouwe,
Elck mensche heeft een conincrijcke
In hem selven properlike,
Dat hi bewaren sal na recht;
Ende maken wy hier den bodem slecht,
75[regelnummer]
Dat is ons selven alre sienste;
Want wyen Hi vint in trouwen dienste,
Die hoghe meester van hier boven,
Sijns loons sel Hi hem wel beloven.aant.
By desen exempel moechdi leren,
80[regelnummer]
Ghi die dient den aertschen heren,
Wildi oock rijcken loon ontfaen,
Soe blijft ghedurich int volstaen:
U sal te beter heyl gheschien.
Soe wye dat twifel hout na dien,
85[regelnummer]
Dat hi volherden niet en can,
Dat mach wel sijn een dom man;
Want menich dienre wert verheven
Mit dat hem die heren gheven,
Dat hijs te bet mach al sijn daghe
90[regelnummer]
Onder vriende ende onder maghe;
Dit is openbaer aenschijn:
Hier om suldi ghedurich sijn,
Heren ende vrouwen mede,
Wildi crighen moghenthede,
95[regelnummer]
Daer toe eer in uwen daghen.
Al deert ons twifel off wanhaghen,
Men kent den goeden byden daden,
Ende tcomt menighen heer te staden,
Dat hi sijn dieures wel voersiet;
100[regelnummer]
Want after dien en sparen si niet
Lijff noch guet, sy eu willent waghen
Om hoers heren last te draghen,
Warwairt dat hijs heeft te doen;
Want rijcheit maect dat herte coen,
105[regelnummer]
Ende coenheit doet wel avouturen.
Die tzoete nemen mitten zueren,
Alsulke dienres selmen prysen
Ende helpen, dat si moghen rysen,
Want sy ter eren sijn ghevoecht.
110[regelnummer]
Heren gonst ende vrouwen doecht
Dat is des dienres toeverlaet:
Hi is wijs, die wel verstaet
Wat hem schaden mach of vromen.
Ic meen allegader, niet hem somen,
115[regelnummer]
Heren, vrouwen, onverscheiden,
Die sullen hem hier ter doghet reyden
Ende ghedurich daer in wesen;
Want wat wy leren, dien off desen,
| |
[pagina 105]
| |
Ga naar margenoot+Thoert hem toe mit allen recht,
120[regelnummer]
Want si sijn des Heren knecht,
Die voer ons allen heeft ghestreden.
Opter eerden hier beneden
Was hi ghedurich totter doot,
Om te helpen uter noot
125[regelnummer]
Trouwe dienres, lieve caren,
Die hem hier ghedurich waren.
In desen spieghel moechdi sconwen,
Hoghe heren edel vrouwen
Loont mit doechden die u dient,
130[regelnummer]
Soe sydi oeck een durich vrient
Ende totter salicheit gheneghen.
Schnent loot te rechte weghen,
Wy en vinden hier gheen zeker stat
Te coop om sulver noch om schat,
135[regelnummer]
Wy moeten rumen taertsche dal;Ga naar margenoot+
Mar Hi, die heer is boven al,
Die heeft die stat van duricheit
Sinen vrienden wel bereyt,
Al dair die salighen wonen in.
140[regelnummer]
Wat salmen gronden meer noch min?
Gheduricheit in trouwen vast
Die verdrijft der sonden last,
Ende brenegt ons totter hogher zale.
Hier soe endie mine tale,
145[regelnummer]
Want Willem raet ons sonderlinghen
Van Hildegaersberch voer alle dinghen,
Men sal die sonden ligghen ave
Ende ontfaen ons Heren gave,
Die rijcker is dan al die goene,
150[regelnummer]
Die hier te gheven sijn ghewone.
|
|