Gedichten
(1981)–Willem van Hildegaersberch–
Auteursrechtelijk beschermdGa naar margenoot+CVII. Vanden boghe.Ic heb ghedicht in minen tyden
Van weelden groot, van menighen lyden,
Van ruste ende oec van overmoede,
Ende hoe die sotte oftie vroede
5[regelnummer]
Leven moghen thoren baten.
Nu willic mijn herte zaten
Te dichten vanden boghe reen,
Ende op tgheselscap al ghemeen,
Die den boghe willen draghen.
10[regelnummer]
Nie en wert tot ghenen daghen
Subtijlre vont ter werlt ghevonden,
Dat machmen proeven ende oirkonden;
Want minne was den eersten graet,
Daer nae den coninclijcken staet,
15[regelnummer]
Die mitten boghe wort verworven.
Hi was van minnen na ghestorven,
Die den eersten boghe brachte,
Eert hem quam in sijn ghedachte,
Dat hi den boghe maken woude.
20[regelnummer]
Men can volprisen niet in gonde
Vanden boghe die weerdicheit;
Want als dat schut is toegheleit,
Ende die boghe staet ter scote,
Soe wijst ons pese entaer toe note,
25[regelnummer]
Slot, tellier ende oec die roede,
Eendrachticheit, als ic bevroede;Ga naar margenoot+
Want waer dat enich tander loeghe,
Tsoude dat schut in sijnre vloghe
Doen faelgieren, als ic waen,
30[regelnummer]
Ende verre buten mercke gaen.
Dies ghelijc ist mitten luden,
Die hem schalkeliken huden,
Alsmer gheselscap mede beghint,
Ende thants der na contrari vint,
35[regelnummer]
Die moghen tgheselscap seer scoffieren,
Datmen in vroechden waent hantieren;
Want waermen gheselscap pleghen sal,
Daer moet eendrachticheit wesen al,
Ghelijc den boghe in sijn accoort,
40[regelnummer]
Daer gheen contrari toe en hoert,
Selmen tschut te rechte sturen.
Oeck denckent mi die beste muren,
Die enighe stede mach beghinnen,
Dat si eendrachtich sijn van binnen
45[regelnummer]
Ende malc anders borde draghen.
Wat si dan muren ofte haghen,
Dat mach dan durich bliven vast
Ende wederstaen alsulken last,
Die hem lichte wart te swaer,
50[regelnummer]
Wonden si van binnen sijn contraer.
Wanttie boghe aldus bediet
Eendrachticheit, hoeneer hi schiet,
| |
[pagina 230]
| |
Ga naar margenoot+Soe suldi anden boghe mercken
Hoe si horen vyant stercken,
55[regelnummer]
Die hem in contrari vouden;
Want dat slot is quaet te houden,
Dat van binnen is verraden.Ga naar margenoot+
Wildi uwen vyant schaden,
Soe laet u vriende u vriende bliven:
60[regelnummer]
Anders en condijs niet bedriven.
|
|