Gedichten
(1981)–Willem van Hildegaersberch–
Auteursrechtelijk beschermdGa naar margenoot+CXIII. Vander bedevaert.Int beghin van minen leven
Wart mi cranck verstant ghegheven
Ende luttel wijsheit inghevoecht:
Twisschen archeit ende doecht
5[regelnummer]
Dat onderscheit en wistic niet.
Als dit algader was gheschiet,
Ende ic quam tot twaelf jaren,
Doe ghinc ic mi selven openbaren,
Dat ic goet wist ende quaet;
10[regelnummer]
Doe nam ic mitten priesters raet,
Hoe mijn leven soude wesen;
Ende doe verstonde ic wel in desen,
Dat ic was bedevaert ghesant,
Of om een boetscap hier int lant,
15[regelnummer]
Die mi bevolen was te doen,
Ende niet te merren over noen,
Mar ymmer tijtlic uut te gaen.
Ende reden dede mi verstaen,
Dat ic mi wel te voren saghe,Ga naar margenoot+
20[regelnummer]
Ende nyet en ghinc in felre laghe
Of buten pade in vreemden weghen,
Die van handen mochten dreghen
Besiden vander rechter straten.
Al hoe mi reden quam te baten,
25[regelnummer]
Natuer die ghinc al hoir te boven
Ende dede mi schone dinc beloven,
Des ic hoer loefde ende volchde hoir naer.
Dus heb ic voert van jair te jair
Ghevordert wel mijn bedevaert,
30[regelnummer]
Sdaghes een reyse achterwaert.
Die oost sel wesen, gaet hi west,
Soe waer hem twederkeren best.
Die dwaelt ende sonder wederkeren,
Die moet hem stoten of bezeren;
35[regelnummer]
Ende onder stoten ende sneven
Ben ic soe hier entaer ghebleven,
Ende heb mijn reyse maect so lanc,
Dat ics noch hebbe cleynen danck.
| |
[pagina 240]
| |
Ga naar margenoot+Ic ducht, ic heb ondanc behaelt
40[regelnummer]
An hem, die al die cost betaelt,
Dats God ende gheen ander.
Hoe ic buten pade wander,
Ic heb altoes op hem gheteert.
Al ist een goedertieren weert,
45[regelnummer]
Die vrese beghint mi zeer te nopen
Doch ic wil ghenade hopen,
Want sijn goedertierenheit
Die en is nyemant wederseit.
Wyese soect, hi machse vinden
50[regelnummer]
By reden, die ic wil ontbinden.
Hy mach corter veel vergheven
Dan heeft gheduert een sondich leven,
Opdat wy nietste lang en toeven;
Want wy den tijt seer wel behoeven,
55[regelnummer]
Die ons God noch mach verlienen,
Hem te bidden ende te dienen.
Langhe te marren gaet ons tieghen,
Die tijt en can soe niet verdreghen,
Wy en moeten cortelijc van steden.
60[regelnummer]
Die dach is over middach leden
Mit menighen mensche meer dan yen,
Die luttic nader sonnen sien,
Hoe zeer si daelt ende niet en rijst,
Ende hoe natuer an hem bewijst,
65[regelnummer]
Dat vespertijt beghint te naken.
Sonden wy noch te weghe raken,
Soe en docht ons hier gheen langhe merren.
Die gheen, die lopen comt van verren
Ende voetelt wel, die wint sijn maet,aant.
70[regelnummer]
Bet dan een die effen gaet.
Die traechlic comt in allen dinghen,
Die sietmen selden verre springhen.
Wy souden haesten tot berouwen
Ende Goede in hopen wel betrouwen,Ga naar margenoot+
75[regelnummer]
Ende totter biecht mit conscienci,
Ende int voldoen van penitencie
Daer den wille toe reyden,
Dat mach ons best te weghe leyden.
Hier op wil ic weder keren,
80[regelnummer]
Ende opten troest van onsen Heren
Pinen mi te weghe waert,
Om te doen mijn bedevaert,
Die mi langhe was bevolen,
Oeck hoe my crancheit heeft doen dolen
85[regelnummer]
Ende die werlt my ghelet.
Nu beghere ic tmeen ghebet,
Ende sonderlinghe die van minnen
Bidden mit ghetrouwen sinnen.
Mit trouwen bitmen voer den vrient
90[regelnummer]
Na gonsten, die hi heeft verdient.
Wye wat goets verdienen can,
Tis recht datmen hem wat goets an.
Dus machmen node wesen quaet
Tieghens hem, daert al an staet.
95[regelnummer]
Moechdi roeckeloes misdoen,
Weldaet maect ons weder soen,
Op datmer in ghedurich blijft,
Ende elcx sijn ezel voerwaerts drijft
Den rechten pat soe vaste voert,
100[regelnummer]
Soe comt hi weder daer hi hoort,
Van daen hi eerst wart uutghesent;
Ende wye sijn boetscap wel volent
Ende goede antwoerde brinct te recht,
Dien loont hi als een trou knecht
105[regelnummer]
Mitten eweliken loen.
Dus machmen gaerne maken schoen
Een vuyl consciencie vanden zonden,
Om tgrote loon ten lesten stonden.
|
|