Gedichten
(1981)–Willem van Hildegaersberch–
Auteursrechtelijk beschermdGa naar margenoot+CXIV. Wat een reyn wijff waerdich is.Alle die leven onder der zonnen
En sonden niet volprisen connen
Wat een edel reyn wijf
Waerdich is hoer shertsen lijf,
5[regelnummer]
Die hoer tot rechter eren voecht.
Eer is een die hoochste doecht,Ga naar margenoot+
Diemen ter werlt can beghinnen.
Men mach oec God in eren minnen,
Want dat Gode yeghengaet
10[regelnummer]
En taemt niet wel der eren staet.
Wye na rechter eren zweven,
Die en voecht niet wel een sondich leven.
| |
[pagina 241]
| |
Ga naar margenoot+Sonde is schande, dat weet voirwair,
Wanneer si schijnt int openbaer.
15[regelnummer]
Al en vereyschtmens nymmermeer,
Nochtan ist schande voerden Heer,
Die alle herten wel bekent,
Want hi is trechte fundament,
Daer een yghelijc op mach muren,
20[regelnummer]
Die in eren wil gheduren.
Dus sel een wijf, die eer begaert,
Hoir selven emmer maken waert
God ten voersten daer si can,
Daer teynden horen trouden man:
25[regelnummer]
Is si desen tween bequame,
Soe crijcht si wel der eren name,
Dat en mach hoer niet faelgeren.
Een wijff sel wesen goedertieren
In hoer herberghe eerst te voren,
30[regelnummer]
Ende letten onrust ende toern.
Een goet wijf sel ruste minnen,
Waer si mach mit allen sinnen,
Wilsi in eren comen voert.
Watter eren toebehoert
35[regelnummer]
Dat sellen goede vrouwen leren,
Ende horen sin al daer toe keren,
Dats een oirbairlike zake.
Een wijf sel wesen hooch van sprake
Entaer by hebben goet ghelaet
40[regelnummer]
Inder kercken of optie straet,
Ende wye si comt in hoir ghemoet,
Den selsi milde sijn van groet
Ende in antwoerden dier ghelijc.
Gruet hoir yemant, arm of rijc,
45[regelnummer]
Dat is eer ende wel ghedaen,
Ende nyemant lanc te sprake staen.
Langhe sprake ende vele tale
En voeghen ghene vrouwen wale,
Die in eren willen bliven.
50[regelnummer]
Der eren naem van goeden wiven
En machmen niet te vollen prysen.
Een wijff, die wil in eren rysen,
Die sel honden ende gheven
By maten, dat is een eerlic leven.
55[regelnummer]
Al te vreck en waer niet goet,
Ende veel te milde is wederspoet:
Dus is mate best ghenomen,
Selmen totter eren comen.
Een wijf, die wil hoer eer bewaren,
60[regelnummer]
Die sal mildelijc ghebarenGa naar margenoot+
Om hoer vrienden wel tontfaen,
Die hoer of horen man bestaen,
Dies ghelijcke vreemde lieden,
Die hoer gonst op vrienscap bieden
65[regelnummer]
Ende tot hoir comen onversiens.aant.
Of sijn si ghenoot, ghelijcke dies
Soe selsise vriendelijck ontfanghen,
Soe mach hem weder nae hoer verlanghen
Ter ander tijt, alst can gheboren.
70[regelnummer]
Dus houtmen vrienscap sonder schoren
Mit voldoen vast an beyden zyden,
Alsmer ghelijcke wil toetyden.aant.
Spise ende dranck, al eer si schieden,
Dat sel si mildeliken bieden
75[regelnummer]
Ende doen hem halen al eer yet lanc;
Doch namen sijs niet, si heeftes danck,
Ende tis eer daerment vertelt.
Ende isset soe mit hem ghestelt,
Dat sijt in dancke van hem nemen,
80[regelnummer]
Soe macht der eren wel betemen.
Die cost die daer is in gheleghen,
Die selmen altoes lichte weghen.
Die nauwe rekent ende knaecht,
Ic waen hi selden prijs beyaecht
85[regelnummer]
Van gheven, want hine cans niet wel
Soe gheven, datment prisen sel.
Diet al beknaghen wil te voren
Wat hi ghift, tis cost verloren,
Want ten staet op gheen belof
90[regelnummer]
Danck ende eer te crighen daer of.
Danck ende eer, dat edel paer,
Die sel elc goet wijf nemen waer
Te crighen, want tis groot ghewin.
Oeck leghet daer eer ende oirbaer in,
95[regelnummer]
Dat si hoer buer te vriende hout,
Daer op soe machsi wesen bout;
Want goet ghebuer is vrient ter noot.
Men spreects hem eer ende prise groot,
Die sijn buer wel heeft te vriende.
100[regelnummer]
Die anders yeghen hem verdiende
Dan voldoen ende gans betrouwen,
Die mocht sijn arbeit wel berouwen,
Op dat si sijn alsoe ghesint,
Datmer doecht ende eer an vint.
105[regelnummer]
Die selve in eren niet en leven,
Die selmen hoefsche woorden gheven,
| |
[pagina 242]
| |
Ga naar margenoot+Ende latense bliven alse sijn,
Dat machmen hebben sonder pijn,
Sonder schade of verdriet;
110[regelnummer]
Want huessche woerden costen niet.
Die eer is menichsius te mercken,
Mar alre meest in goeden wercken.
Al sijn die hoefsche woorden ghepresen,
Daer moeten goede wercken wesen,
115[regelnummer]
Sel volcomen sijn die naem,
Die elker vrouwen is betaem
Nae rechter wijfliker figuere.
Al setten sijt som in davonture
Ende gheven der eer om clenen schat,
120[regelnummer]
Die duerbaer is tot elker stat
Te crighen, diese copen soude,
Men machs volprisen niet in goude
Een wijflic wijf van schanden reyn:
Voer gont ende oec voer duerbaer steyn
125[regelnummer]
Soe staetse sonderling te loven,
Ende gheen dinc en gaet daer boven;Ga naar margenoot+
Want Maria, die suver maecht,
Die boven al noch crone draecht
By horen soen in hemelrijc,
130[regelnummer]
Die sijn si in vormen ghelijc.
Bewaersi dan hoer wijflic eer,
Soe en weet ics niet te prisen meer
Dat hem ghelijct in enigher wijs
Ende willen si hebben desen prijs,
135[regelnummer]
Maechden, vrouwen al ghemien,
Soe sellen si vresen ende ontsien
Te doen dat lachter is ghedaen,
Soe moghen si sulken prijs ontfaen
Ende oirbaer mede, heb ic gheseit.
140[regelnummer]
Waer dat eer ende baet an leit,
Dats quaet versuumt ende achterbleven.
Dit exempel wil ic gheven
Maechden, vrouwen hier entaer:
Diet oerbaer donct, die wercker naer.
|
|