Horae Belgicae

CXLVII.
¶ Een oudt liedeken.

TRueren moet ick nacht ende dach
Ende lijden also groot verlanghen
Om een die liefste die ick oeyt sach
Si heeft mijn herteken beuanghen
Doorschoten heeft zijt also menichfout
Si heeft mijn herte in haer ghewout
Na haer staet mijn verlanghen
Jn wat plaetsen dat ick bin
Si staet in mijn gedachte
Daer en mach gheen lieuer liefken comen in

[p. 220]

 

Bi daghe noch oock bi nachte

 

Dat heeft haer claer aenschijn ghedaen

 

Woude si mi in haer herteken ontsaen

 

So waer alle mijn lijden sachte

3.

Jn alle dese werelt wijt

 

En weet ic geen so lief

 

Als ic aensie haer claer aenschijn.

 

Daer af neme ic alle mijn gherief

 

Mer lacen als ick van haer moet zijn

 

So is alle mijn blijschap pijn

 

Jck en doe niet dan suchten ende beuen

4.

Helpt rijck god hoe wee is mi

 

Als ic van haer moet scheyden

 

Och mochten wi wesen van clappaerts vrij.

 

So waer mijn herte ghenesen

 

Si brenghen die menighe in swaer verdriet

 

Schout quade tonghen waer gise siet

 

Si zijn so valsch ghepresen

5.

Clappaerts moeten clappaerts zijn

 

Jc wilse gaen laten varen

 

Ende schencken die alderliefste mijn

 

Thien duysent goeder iaren

 

Si is die liefste op al aertrijck

 

Jc wilse gaen dienen ghetrouwelijck

 

God wil mijn liefken bewaren

6.

Help rijck god heere hoe wee is mi

 

Als ic van haer moet scheyden

 

Trueren ghi blijft mi altoos bi

 

God wil mijn liefken gheleyden.

 

Al is myn auontuere dus cranck

 

Jc hope het sal beteren eer eyt lanck

 

Den tijt moet ic verbeiden