Horae Belgicae


CXCIX. ¶ Een nyeu liedeken 1.[regelnummer] JC quam noch gister auont. Voorwaer ic en liege v niet. Daer quam een meisken wter hagen. Si was geeleet gelijc een pagie En was dat niet swaer verdriet 2.[regelnummer] Pagie wel lieue pagie Waer is v heer? mi verstaet. Mijn heer heeft mi verlaten Dus moet ic dolen lancx der straten Jck en weet mijns gheenen raet 3.[regelnummer] Goeden raet sal ic v gheuen. Laet ons gaen drincken den wyn. Want mi dunct aen v visagie Ghi en zijt gheens heeren pagie En ghi sijt een fier maechdelijn 4.[regelnummer] Oft ick een maechdelijn ware Wat leyt daer yemant aen Laet ons te samen gaen wanderen Vanden eenen altotten anderen Wi sullen ghenoechte ontfaen 5.[regelnummer] Daer ghinghen si henen sluypen Ghelijck een hoender dief Van daer tot achter die vesten
[pagina 307]
Om vrou venus brant te lesschen Daer creech hem die pagie lief 6.[regelnummer] Pagie wel liene pagie Wi twee wi zijn ghemelt En comt niet meer so laet int doncker Om te spelen met uwen ioncker Oft ghi sout verdienen tghelt 7.[regelnummer] Maer die dit liedeken dichte dat was een ionghelinck fijn Hi heuet so wel ghesonghen God schende quade nijders tonghen Met zijn lieueken inden wijn Onsuyuere tonghe onsuyueren sin heeft Want elc vat wt gheeft nae dattet in heeft Wildi dan reynich zyn ende euysch beuonden. Hebt herte, tonghe, ende v leet ghebonden