Horae Belgicae

CC.
¶ Een nyeu liedeken.

LOf God en weest verblijt
Al dye Bourgoensche zijt.
Elck schaft nv hupschen moet
Al ist oorloghe en strijt.
Voor ons noyt beter tijt
Comt ons Keyser het edel bloet.
Jnt lant gelijc hi doet.
Naer dauidts woort hi moet
Wel zijn ghebenedijt.
Die compt om ons profijt
Jn den name des heeren soet
Ons keyser dat edel greyn
Mach wel den aernt certeyn.
Doen in zijn wapen steen

[p. 308]

 

Den edelen aernt reyn

 

Die sietment int ghemeyn

 

Bouen alle wolcken gaen

 

Dan daelt hi neder saen

 

inder zee rasch onbelaen

 

Ende daer so haelt hi eyn

 

visch om sijn ioncxkens cleyn

 

Den honghere te verslaen

3.

Sghelijcx ouer reyset al

 

Lant, water, berch, ende dal

 

Ons edel Keyser fijn

 

En sorghet voor groot en smal

 

Hoe hi donnosel sal

 

Beschermen voor ghepijn

 

Als wi in rusten zijn

 

Hi en rust in gheen termijn.

 

Maer waect voor zijn ghetal

 

Al maect hi cleyn gheschal

 

Alsoot nv es aenschijn

4.

Naer vlaender lant mignoot

 

Was ons Keyser deuoot

 

Jn april den vierden dach

 

Op vaerde maer den stoot

 

Die doen den turck hem boot

 

Belette somen sach

 

Christus diet al vermach

 

Hielp hem in dat beiach

 

Dat den turck voor hem vloot

 

Sijn vyanden bleuen doot

 

Lof god hi wanden slach

5.

Als ons Keyser playsant

 

Die turcken wt sijn lant

 

Dus hadde ghedaen vlien

 

Hi heeft in elcken cant

 

Die frontieren vailliant

 

Jn spanien Van als voorsien

 

Aen zijn kinderen doen te tien

[p. 309]

 

En alle edele tot dien

 

Nam hi huesschen oorlof, want

 

Hi quam perpiniant

 

Verstercken van crijschlien

6.

Als hijt in spaenghien claer

 

Ghestelt hadde alle gaer

 

Den vierden in Meye lest leet

 

Quam hi om ons weluaer

 

Te basseloenien daer

 

Al sijn schepen laghen bereet

 

Daer ons Keyser in screet.

 

Met al zijn edele discreet

 

Dus so quam hi een paer

 

Met een groote armee naer

 

Dese nederlanden breet

7.

Lof God want hy hem scanck

 

Goede weeder en voortghanck

 

Hi is ghearriueert

 

Te Jenes vry en vranck

 

Daer elck ter vruecht ontspranc

 

En seer heeft ghetriumpheert

 

Elck nv veriubileert

 

En ghereeschap pretendeert

 

Naer des Keysers ontsanck

 

Want hi naer ons verlanck

 

Comt ons bi oughecesseert

8.

Vrou Marie ingenieus

 

En den Graue van reus.

 

Van Aranien den princier

 

Den Graue van Buren vleus

 

En alle edele coragieus

 

Wi bedancken in dit quartier

 

Want zijs Keysers landen hier

 

Beschermt hebben voor dangier

 

Dese tijt periculues

 

Ons Keyser fortunieus

 

Sals haer nv bedancken schier.