Un selekshon di palabra i ekspreshon. Deel 1

[p. 26]

20 Fiesta

Hasiment'i aña	Tur santu
Kasamentu	Tur difuntu
Bowtiso, bowtismo	Semana santa, Siman Santu.
Konfirmashon	Sab'e aleluya (Saba di aleluya)
Pasku di resurekshon	Un seremonia
Pasku di nasementu	Misa solèm, kantá, di tres pader.
Dos dia di Pasku	Dia di fiesta
Aña Nobo	Dia di statuut ta fiesta di gobièrnu.
Bièrnè santu	Feria, kabaítu, sirko
Webu Santu	Promè Santa komunion
Pentekòstu	Kana den proseshon
Dumingu di rama

Festival di kansion ta mashá na moda awendia.

Awe m'a hasi aña.

M'a kumpli dies aña na trabow.

Dia di mi aña (mi hasiment'i aña) mi ta trit mi amigunan.

Chebu ku Tida a hasi bintisinku aña kasá.

Nos ta felisitabu. Hopi bida ku salú. Nos ta deseabu hopi aña mas di bida.

Den tempu di Pasku i Aña Nobo kayanan ta yen di hende nervioso. Den promé misa di Pasku di nasementu mashá hopi hende ta bringa pa nan lugá den banki, pero riba dos dia di Pasku kasi por tene kareda di kabai den misa.

Djis despwes di tiru di Aña nobo kantidat di hende sa tuma bindishon di obispu.

Un ‘padrinu pelow’ ta esun ku no duna e kriatura regalo dia di su bowtiso.

Fuego artifisyal a para bira ‘vuurwerk’.

‘Jueves santo’ a bira Webu santu’. Di ‘Webu santu’ a sali e kustumber di kibra un webu den un glas di awa ku a kenta na solo, eksáktamente djesdos or, pa bo mira den e figura ku e blanku di webu forma den awa kiko ta bo swèltu, destinu, futuro.

Nos ta selebrá nos aña, piki punta, kore Aña nobo, pasa Pasku, kumpli ku kwaresma, sirbi padrinu i madrina, kumpli ku hende (na morto i na fiesta).

‘Ni un misa di shete pader no por salbabu’. (Bo situashon ta asina malu ku ta nada mes no por yudabu).

Un tradishon bieu ta ‘bulamentu di konfó ku sensya bispu di Aña nobo’.

[p. 27]

Te ainda tin hende ku ta bin ‘buska nan Pasku’ (nan regalo di Pasku).

Tur kos bon. Masha pabien! Na bo salú!

Konbitu sin noi ta fiest'e kacho. (Esaki ta un ekspreshon di disgustu ora nan no konbidá un hende ofisialmente pa fiesta)

Aña nobo, bida nobo! (E deseo pa hasi tur kos mihó den e aña nobo) Promé ayá muchanan tabata ‘bati Huda’ riba Sab'e Aleluya.

Antes un mucha mester a ‘keda na sámina’ bispu di su Risibimentu Manuel a rèndu (kore paranda) di bisp'i Pasku te Dumingu di tres rei.

Esun ku a hasi algu straño o partikular den e aña ku a kaba, nan ta kanté na tambu.

Tur aña sa tin kimamentu ku klapchi.

Antes bo mester tabatin un bistí o un dashi bèrdè, pa bo bai misa riba Dumingu di rama.

Ora ta balia mazurka, bo mester ‘tira un pi'e kater’.

Pa bo gosa un bon wals, toká ku muzik 'i kwèrdè, bo mester ‘skirbié’ den un sala grandi.

Na fiesta di tambú nan sa ‘para serená den huki’.