Kita pia pokopoko. (Keda sin bini gradwalmente)
Pia no a kome neng'e. (El a kore bai ku masha fèrt)
Hepa! Mi oloshi a kria pia. (el a disparsè, un hende a lantè).
Mi mester a bira riba e mesun pia. (Mi mester a bolbe sin ku mi a logra)
Dobla skina: 1. literalmente dobla un skina. 2. muri.
Ora e ladron a ripará ku polis ta su tras, el a hinka 'fo, disparsé fo'i bista.
Awor ei Yanshi a kaba di baha pa Wespen. (sali ku direkshon pa Wespen)
Klarita ku su pianan di flerchi ta bula kaya manera dalakochi.
Nos ta biaha ku bapor, bula ku oroplanu.
Lando, kitoki, dori, garoshi di buriku o di baka tabata medionan di transporte masha romántiko.
Hanchi, kaya, kaya grandi, patruli (entre dos kunuku), kamind'e kabritu (den mondi), plasa, plenchi, stupi.
Djo a reis riba mi. (Yega di ripiente mi dilanti)
Esnan ku yega kas den mardugá grandi, ta kana riba tonch'i pia. Drenta pushipushi. (masha ketu i ku kwidow, sin ningun hende tende o sa).
Sigun un kerementu bieu un hende ku drenta pa porta padilanti, mester sali pa mes porta padilanti, i no pa porta patras, pa e no ‘kibra su swèltu’.
Otro ta pretendé ku si drenta dilanti mester sali patras.
Yanshi a sali dilanti, pero m'a kana duru te m'a gané (kwe) na kaminda.
Nos sa tin e kustumber di kortesia di ‘hiba un hende pida kaminda’. (kompañé un pida kaminda).
Tempu ku hendenan di kunuku tabata kana na pia di kunuku pa Punda, tabatin un ‘echadó di kwenta’ huntu ku nan. Esei tabata konta kwenta o tira charada, pa e kanamentu bira menos pisá.
Esun ku ta degenerá, malgastá su bida, bira chòmbòn ta esun ku ta ‘bèk manera kangrew’.
Bo mester gatia promè ku bo kana!
Un buraché ta zeilu o kapya den kaya.
Fo'i dia Feli a bai ta dato. (mi no a miré nunka mas).
Auteursrechtelijk beschermd