Doe bleefs in mich

[p. 40]

Bie de sjpoul

Aauwd meuderke zit en sjpint höre vaam
Op 't raedje van de sjpoul.
Ze zit dao van mörge pès* aovend laat
Zoo sjtillekes op höre sjtoul.
Ze zit mer en sjpint, en 't raedje dreet.
Auch meumelt ze gèt òngerwiel. -
Zoo krek wie ei prèntje van gans lang haer.
In de lang vergaete sjtiel.

Aauwd meuderke... Ze is wie 't laeve zelf,
Dat de vaam van de minsje sjpint.
't Raedje dreet van de mörgen aaf
En dreet pès den aovend begint.
't Raedje dreet zich, en löpt en sjnòrt,
Al leip et nao eige wil, -
Pès 't duuster wurd en den aovend kump:
Dan sjteit et op eimaol sjtil.