Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Noch van rade die men hem gaf en̄ vrouwen Prudentien raet. C. IV.

 
DOen stont op / also ict las /
 
Die een meester van rechte was /
315[regelnummer]
Die vele redenen sprac hier toe /
 
Onder die welke hi seyde doe:
 
Die sake es groet / dat segghic u
 
Daer wi om hier sijn comen nu.
 
Daer en hoeret toe gheen haestich raet.
320[regelnummer]
Dat fayt es swaer en̄ quaet;
 
Men mochter so haestelijc toe gaen
 
Men souder grote scade af ontfaen.
 
Bi deser redenen / als ic versta /
[pagina 14]
[p. 14]
 
Si sijn gheburen also na/
325[regelnummer]
En so mechtich en̄ so rike met /
 
In elke side / dat ghijt wet /
 
Datter af mochte comen wale
 
Ene langhe sware quale;
 
En̄ vele redenen soude men u
330[regelnummer]
Hier toe wel vertrecken nu /
 
Die men nu niet ghesegghen can.
 
Wi raden u / here / nochtan
 
Dat ghi u met staden
 
Op dese dinc wilt beraden /
335[regelnummer]
Also dat ghi ghene scade
 
En hebt mits faute van rade.
 
U wedersaken / dat verstaet /
 
Hebben also wel wisen raet /
 
En̄ oec vriende daer toe met /
340[regelnummer]
Vele meer licht dan ghi wet.
 
Maer ten orloghe/ wats gesciet /
 
So en raden wi emmer niet/
 
Want wi sijnre twivel inne.
 
Daer bi willen wi met sinne
345[regelnummer]
Wel bespreken / des seker sijt /
 
En̄ daer toe wi eyschen een respijt /
 
Daer binnen dat wi moghen
 
Onse goetduncken hier af toghen
 
Al es traecheyt ghehaet zere
350[regelnummer]
Met vele lieden in meneghen kere;
 
Nochtan es si goet menech werf.
 
Daer om goet wijs raet bederf
[pagina 15]
[p. 15]
 
God onse Here / staet daer beschrevenGa naar voetnoot1
 
En woude sijn vonnesse niet gheven
355[regelnummer]
Over dat wijf al te hant
 
Die men in over spele vant;
 
Maer hi screef tierst in derde
 
Eer hi dwijf te livereerde.
 
Dus willen wi ons met staden
360[regelnummer]
Op desen orbore beraden
 
Waer bi ghi bewaert sijt / here.
 
Ghi hebt ghelt en̄ volx mere.
 
Doe spraken die jonghere te waren
 
Die dapper en̄ lustich waren:
365[regelnummer]
Here / ghi moghet hier sien an
 
Meneghen vromen stouten man /
 
En̄ oec u grote rijcheyt / here:
 
Ghi hebt volx vele mere
 
Seker dan u viant doet.
370[regelnummer]
Daer om wilt metter spoet
 
Alle uwe dinghen sonder beyden
 
Toten orloghe ghereyden;
 
En̄ en latet oec niet achter /
 
Ofte ghi blijft in den lachter.
375[regelnummer]
Laet ons te hant gaen toe.
 
Die wise beresptense doe.
 
En̄ seyden openbaer
 
Dat haere raet niet goet en waer
 
Noch oec die beyde vander wraken /
380[regelnummer]
En̄ seyden daer toe dese saken:
[pagina 16]
[p. 16]
 
Ghelijc dat heet yser / sijt gewes /
 
Beter dan cout te smedene es /
 
Also eest onrecht versch gedaen
 
Lichter te wrekene sonder waen
385[regelnummer]
Dan ofte men verste daer toe sette.
 
En̄ dat oec ghescreven wette
 
Wel orloven te doene wrake.
 
En̄ te hant / na dese sake /
 
Riepen si alle: Hi seyt waer.
390[regelnummer]
Doen stont op daer naer
 
Een vanden ouden wisen te hant
 
En̄ winctene zere metter hant
 
Met rade vanden wisen ouden
 
Die hem hier toe helpen wouden.
395[regelnummer]
Hi sprac: Hier esser vele van u
 
Die ja! ja! roepen nu
 
En̄ grote worde ut legghen /
 
Die luttel weten wat si segghen.
 
Ghi aensiet doch wel in uwen sin
400[regelnummer]
Dat dorloghe heeft een swaer begin
 
Maer hoe dinde mach ghevallen /
 
Dan weet nieman van hen allen.
 
Nu verstaet wel ende hoert
 
Gaet dit orloghe aldus voert
405[regelnummer]
Si sijn noch cume gheboren
 
Die vernoye / mesquame en̄ toren
 
Daer af selen hebben groet;
 
En̄ menech sal daer omme de doet
 
Becoren ende meswinde
410[regelnummer]
Eer dorloghe comen sal ten inde.
[pagina 17]
[p. 17]
 
Daer bi en salmen niet in desen
 
Emmer alte haestich wesen;
 
Maer met goeder voersienecheyden
 
Salmen dese sake beleyden:
415[regelnummer]
Want datmen met haesten bestaet /
 
Siet men dicwise dat qualijc gaet.’
 
En̄ doen hi dese dinghen woude
 
Met redenen proeven / also houde
 
Scoten si dan in sijn woert /
420[regelnummer]
En̄ en lieten hem niet segghen voert.
 
Die wise man dachte in desen
 
Om een woert dat hi hadde ghelesen /
 
Dats dat nieman spreken en soude
 
Daer men niet horen en woude.
425[regelnummer]
Te vergheefs en salmen oec niet
 
Wijsheyt spreken wats ghesciet.
 
Dine redene / peynste hi / es verloren
 
Want men wilter hier niet horen.
 
Dits recht dier ghelike /
430[regelnummer]
Oftmen songhe suete musike
 
Voer die ghene die lude screyen:
 
Also es dit buten viseyen.
 
Doen sprac noch die oude man:
 
Die raeds niet verbeyden can /
435[regelnummer]
Die hoert ter rechter sotheyt;
 
Want die sot heeft raet gherne leyt.’
 
Mettien liet hi sijn spreken staen /
 
En̄ es neder gheseten saen.
 
Doen ghincmen ghinder tracteren
440[regelnummer]
Hoe men ten orloghe soude keren /
[pagina 18]
[p. 18]
 
En̄ vromelike varen ter wraken.
 
Melibeus was wel ter saken
 
Dat men dus ghereden ghinc /
 
En̄ confirmeerde alle die dinc.

[tekstkritische noot]Vs. 331. H. Die men nu niet ghedenken ean. 336. H. mids faute van rade. 343. H. Want wi sienre twifel in.
[tekstkritische noot]Vs. 364. H. Die stere, vrom en̄ lustig waren. 368. H. Ghi hebt goeds en̄ volx meer. 372. H. Ter orloghe lust bereyden.
voetnoot1
By Joann., 8, 3, vlgg.
[tekstkritische noot]Vs. 385. H. Dan men vorste. 408. H. En̄ menich sal daer op die doet.
[tekstkritische noot]414. H. dese sake beleden.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken