Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Een ander poent van ghemeynen goede. C. XIV.

 
DAnder poent dat Onse Here
 
Gherne wreect ende zere /
 
Dats datmen ghemeyn goet
 
Niet en bekeert / des sijt vroet /
1110[regelnummer]
Ghetruwelijc so daer toe hoert /
 
Noch te poente en settet voert /
 
Daer af dat ic u te hant
 
Een groet deel hebbe doen becant.
 
Nochtan so willic u dat
1115[regelnummer]
Verclaren een luttel bat.
 
Wisten heren vanden staden
 
Waer met dat si sijn gheladen/
 
En̄ hoe God / voer waer ghesproken /
 
Dic over hem heeft ghewroken /
1120[regelnummer]
Alsic hebbe gheseghet vore
 
En̄ also ghi noch moghet horen /
 
Si souden met rechte / sonder waen /
 
Met anxte dicwile slapen gaen.
 
Ic wiste inder waerheyt dat /
1125[regelnummer]
Dat portre van eenre stat
 
Tscependom tenen tide jeghen
 
Den here vander stat vercreghen
 
Om ene somme van ghelde /
 
En̄ als si hadden in ghewelde
[pagina 326]
[p. 326]
1130[regelnummer]
Die stat / hebben si vercocht
 
Daer op ene grote lijftocht /
 
En̄ betaelden den here also
 
Dat si hem hadden gheseghet toe.
 
Dus moeste die ghemeente / voer waer /
1135[regelnummer]
Der heren heerscapie quiten daer;
 
En̄ alle die dit verworven /
 
Haesteliker doet si storven
 
Sonder dat heylighe Sacrament /
 
Alse liede van Gode ghescent /
1140[regelnummer]
En̄ som worden si verslaghen
 
Te scanden al haren maghen.
 
Lieve kindre / nu merct dan
 
Hoe God Onse Here wreken can.
 
Doen die Romeynen wilen ere
1145[regelnummer]
Trouwe hanteerden ende ere /
 
Dwonghen si al ertrike;
 
Maer doen si wouden sijn rike
 
En̄ vernaemt aen tghemeyne goet /
 
Vielen si neder onder voet /
1150[regelnummer]
En̄ hebben dere al verloren /
 
Alsic u seyde hier te voren.
 
Hadden si wel opghedraghen
 
Ghemeyn orber / als si plaghen /
 
God Onse Here en hadse met allen
1155[regelnummer]
Dus zere niet laten vallen.
 
Voer waer so segghic u dat /
 
Soe waer die rade van eenre stat
 
Haers selfs baten sueken mere
 
Dan ghemeyn orber oste ere /
1160[regelnummer]
En̄ daer men oer / des sijt vroet /
[pagina 327]
[p. 327]
 
Elken niet recht en doet /
 
Es hi mate of wel gheboren /
 
Daer so es die stat verloren.
 
Een wijs man maect ons vroet:
1165[regelnummer]
Stat daer men gheen recht en doet
 
Die es als een wout / des gheloeft /
 
Daer men die menschen in beroeft
 
En̄ lijf en̄ goet nemt dan:
 
Die stat sal scuwen elc wijs man.
1170[regelnummer]
Elc raedsman sal sonder letten
 
Sijns selfs orber achtersetten
 
Om den ghemeynen orber vander stede.
 
Dat sal van rechte sijn sede.
 
Aen ghemeyn orber leghet mere dan
1175[regelnummer]
Aen den orber van enen man.
 
Die meeste orber sal / sonder waen /
 
Altoes voer den minsten orber gaen /
 
Ghelijc dat der kerken heren
 
Gods volc weghen ende regeren
1180[regelnummer]
Also verre / dat verstaet /
 
Alse dat ane die ziele gaet /
 
En̄ hare rechte vast houden;
 
Also ghelijc oec so souden
 
Die heren van eenre stede
1185[regelnummer]
Gods volc bewaren mede
 
Aen sijn goet en̄ aen sijn lijf /
 
Die de rechte houden stijf /
 
En̄ voer ghemeynen orber setten
 
Lijf en̄ goet / sonder letten.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken