Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende
[pagina 328]
[p. 328]

Dat raetslude niet en selen discorderen, maer tghemeyn goet [te] ghemeynen orbore keren. C. XV.

1190[regelnummer]
DIe ene stat selen regeren wel
 
En selen onderlinghe niet wesen fel /
 
Maer eendrachtich / wats ghesciet /
 
En̄ niet sere achten op gheniet;
 
Want gheniet / voer waer gheseyt /
1195[regelnummer]
Verdruct eendrachticheyt.
 
Waer die vorsten vander stat
 
Onderlinghe draghen hat /
 
Daer bederven si die stede
 
En̄ hen selven daer toe mede.
1200[regelnummer]
En̄ so waer die rade / sonder waen /
 
Altoes na dat gheven staen /
 
Daer so moeste haet en̄ nijt
 
Tusschen / des seker sijt.
 
Leghet een man in groter veeden /
1205[regelnummer]
En̄ wert hi raetsman van eenre steden /
 
Hi sal die veede nederlegghen /
 
Omdat men niet en moghe segghen
 
Dat die stat come yet
 
Bi sijnre scout in verdriet.
1210[regelnummer]
WieGa naar voetnoot1 dat na tscependom staet
 
Om datter wasdom wt gaet /
 
En̄ niet omdat hi lude of stille
 
Der gherechticheyt dienen wille /
 
Sijt dies seker ende gewes
1215[regelnummer]
Dat hi daer valschelijc in comen es
[pagina 329]
[p. 329]
 
En̄ hem waer beter / na der waerhede /
 
Dat hi dese poente af lede.
 
Nieghering en wert een stat
 
Meer bederft / wet wel dat /
1220[regelnummer]
Alse dat die portren met partijen
 
Onderlinghe draghen hatije /
 
En̄ om voerstaen discorderen:
 
Dan gheet al buten eren.
 
Men sal also regeren een poert /
1225[regelnummer]
Oftmen partye woude trecken voert /
 
DatGa naar voetnoot1 die andre dan daer bi
 
Ghenedert no ghedruct en si /
 
Also dat eendrachtichede
 
Altoes valle in elke stede.
1230[regelnummer]
Dese lere spreect ons also
 
Die grote philosophe Plato:
 
Den ghiereghen en salmen niet
 
Bevelen / wats ghesciet /
 
Stat of vorch te hoedene;
1235[regelnummer]
Want het es wel te moedene
 
Dat hi / mids siere ghierechede /
 
Bederven mochte borch en̄ stede.
 
In Ghent waren wilen eren
 
Neghen en̄ dertich wiser heren /
1240[regelnummer]
Die de stat berechten daer
 
Wel en̄ wijslike menech jaer.
 
Die wile dat sijt wel regeerden /
 
En̄ ghemeyn goet wel bekeerden
 
Daert sculdech was te gane /
1245[regelnummer]
En̄ niet en ghenoten daer ane
[pagina 330]
[p. 330]
 
En̄ eendrachtich mede /
 
Stont in eren groet die stede;
 
Maer doen sijt selve wouden slabben /
 
En̄ daer om ghinghen crabben
1250[regelnummer]
En̄ parlementen onderlinghe /
 
Ghinghen te nieute al haer dinghen;
 
Want God en woudt ghehingen niet
 
Dat si langher regeerden yet /
 
En̄ worden uten lande ghejaghet.
1255[regelnummer]
Luttel worden si gheclaghet /
 
Also dat si en̄ haer kinder oec
 
Te quiste ghinghen als een roer.
 
Nu merct wel en̄ verstaet
 
Hoe misselike Gods vonnes gaet /
1260[regelnummer]
En̄ in deser ghelike mede
 
Eest ghegaen in meneghe stede /
 
Alse die heren dus verwilden
 
En̄ ghemeyn orber niet en hilden /
 
Dat God harde zere wrac
1265[regelnummer]
Metter ghemeynten die hi optrac;
 
En̄ alse die ghemeynte verwoude /
 
Warp hise neder also houde.
 
Onghelike dinc / sonder waen /
 
Dat en mach niet langhe staen.
1270[regelnummer]
Het es dicke ghesproken:
 
Gheen arch en blijft onghewroken.
 
Lieve vriende / lieve here /
 
Houdt der ghemeynten orber en̄ ere
 
En̄ in voerspoede stare en̄ stijf /
1275[regelnummer]
En̄ daer voer set u lijf
 
Vroech en̄ spade / in alder tijt /
[pagina 331]
[p. 331]
 
Want ghijt sculdech te doen sijt.
 
En doedijs niet / wet wel dat
 
Ghi doet ontrouwe uwer stat /
1280[regelnummer]
Om dat ghi Gods volc niet en houdt
 
In sinen recht also ghi soudt.
 
Scepene en̄ raedsmanne mede
 
Selen hem hueden in elke stede /
 
Datse die ghemeynte en mochte niet
1285[regelnummer]
Begripen also goet als yet /
 
Alsic u vore hebbe gheseyt.
 
En wetti wat hier ane leyt?
 
Hare es vele die nauwe merken
 
Hare affare ende haer werken /
1290[regelnummer]
En̄ si weten wel / dat verstaet /
 
Dat hen tghemeyne goet aengaet /
 
En̄ si hebben meneghen wisen man
 
Die harde nauwe brieven can
 
In sijn herte / in sinen moet /
1295[regelnummer]
Donghelijc datmen hem doet /
 
Dat si brenghen souden int clare
 
Als si wisten dat tijt waer /
 
Daer wonder af mochte ghescien /
 
Also men dicke heeft ghesien.
1300[regelnummer]
Arestotiles / die wise clerc /
 
Maecte een boec / een scone werc /
 
Daer hi in leert in wat manieren
 
Men ghemeyn goet sal hanteren
 
En̄ bestemmen en̄ regeren.
1305[regelnummer]
Ic woude der steden heren
 
Dit boec wel hadden verstaen /
 
En̄ daer mede dan voert gaen;
[pagina 332]
[p. 332]
 
Dat ware menegher stat goet /
 
Die nu heeft crancken spoet
1310[regelnummer]
En̄ crant van neringhen staet /
 
Om dat haer beleyt es quaet.
 
Dat moet betren die Gods cracht /
 
Die boven alle dinc heeft macht.
voetnoot1
Hs. Wi.
voetnoot1
Hs. Dan.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken