Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Datmen vader en̄ moeder sal eren en̄ Gode niet versweren. C. XVI.

 
ELc mensche van gherechter scout
1315[regelnummer]
Sal vader en̄ moeder wesen hout /
 
Ghelijc hem selven ofte bat /
 
Waer hi comt in elke stat /
 
En̄ goet doen en̄ ere;
 
Want het ghebiedt Onse Here:
1320[regelnummer]
Want het es int ghemene
 
Vanden .X. gheboden ene.
 
Oec gheloeft Onse Here God
 
Sonderlinghe lone in dit ghebot /
 
Dat Hi in dandre niet en doet /
1325[regelnummer]
Dats lanc lijf / en̄ des sijt vroet.
 
Men vint ghescreven also
 
Inden boec Ecclesiastico:
 
‘Die vader en̄ moeder eert / sal van dien
 
Bliscap van sinen kindren sien;
1330[regelnummer]
En̄ die vader ende moeder laet /
 
En̄ inder noet niet bi en staet /
 
Es van Gode vermaledijt.’
 
Oec willic dat ghi seker sijt /
 
Dat God al openbare
[pagina 333]
[p. 333]
1335[regelnummer]
Gheen sonden en wreect so sware
 
DanmenGa naar voetnoot1 vader en̄ moeder niet en eert /
 
Also ons Ihesus Cristus leert;
 
Want Hi spreect in sijnre lerenGa naar voetnoot2/
 
Eest dat wi vader en̄ moeder eren /
1340[regelnummer]
Dat wi langhe selen leven dan.
 
Hier machmen vele merken an;
 
En doen wijs niet / onse leven
 
Op dit ertrike saen sal sneven
 
En̄ verliesen hier om hemelrijc:
1345[regelnummer]
So sijn wi bederft ewelijc.
 
Lanc leven / dat verstaet /
 
Es een troest / een toeverlaet
 
Te comene ter ewichede /
 
Die der outheyt wilt beleden;
1350[regelnummer]
Want alle dinc daer sonde in leyt
 
Den mensche in doudre vergheyt /
 
En ware allene ghierecheyt.
 
Salich es hi diese af leyt.
 
En es nieman so hoghe no so rike /
1355[regelnummer]
Maer leefde sijn vader armelike
 
Sonder goet en̄ sonder ere /
 
Hine heeft die scande mere;
 
En̄ eest dat hi in eren si /
 
Hi heeft te meer eren daer bi.
1360[regelnummer]
En̄ Noe / onse yrste vader /
 
Daer wi af comen sijn algader /
 
Die yrstwerf den wijn vant
 
En̄ namaels plante hinc metter hant
[pagina 334]
[p. 334]
 
Naems so vele op enen dach
1365[regelnummer]
Dat hi daer af in slape lach
 
Ombedect in ene stede /
 
So datmen sach sijn scamelhede.
 
Cham / sijn sone / quamer toe /
 
En̄ alse hi sach den vader alsoe /
1370[regelnummer]
Wijsde hi daer metten vingher op /
 
En̄ maecte daer mede sijn scopGa naar voetnoot1.
 
Hier om wart hi te dien stonde
 
Vermalendijt van Gods monde /
 
En̄ tgheslechte dat van hem quam.
1375[regelnummer]
Dus voer die quade Cham.
 
Aldus sal hem allen ghescien /
 
Die vader en̄ moeder niet en ontsien /
 
Noch en werden noch en eren /
 
Also tghebot es Ons Heren.
1380[regelnummer]
Ihesus Cristus hielt algader
 
Die ghebode sijns ewichs Vader /
 
En̄ eerden vroech en̄ spade
 
Beyde in woerden en̄ in dade /
 
En̄ was hem onderdaen ter doet
1385[regelnummer]
Sonder sijn scout cleyne ofte groet.
 
Een wijs lerere ons dus leert:
 
‘Al sijn vader en̄ moeder verkeert
 
En̄ oncuysch van ouden daghen /
 
Dat suldi guetlijc verdraghen;
1390[regelnummer]
Want si verdroeghent guetlijc
 
Doen ghi laghet in u slijc /
 
En̄ voeden u op / dat wet /
 
Met arbeyde en̄ coste met /
[pagina 335]
[p. 335]
 
En̄ lieten u tgoet na dien /
1395[regelnummer]
Daerse God af hadde versien.
 
Quade eede haet Onse Here /
 
En̄ die wreect Hi dicke sere.
 
Alsmen spreect van dien / van desen /
 
Dat sal sonder eet al wesen /
1400[regelnummer]
En ware noet / dat wet /
 
Ter waerheyt te hulpen met;
 
Anders salmen tallen tiden
 
Met ja en̄ met neen al liden.
 
Den starcsten eet diemen doet /
1405[regelnummer]
Dats bi Gode / des sijt vroet.
 
Nochtan / alsment inder waerheyt siet /
 
En laten si hen ghenoeghen niet
 
Met Gode / daert al aen leyt /
 
En̄ die allene es die waerheyt /
1410[regelnummer]
Sine vermanenGa naar voetnoot1 daer toe mede
 
Sijnre doet en̄ sijnre lede /
 
Die Hi ane den cruce ontdede /
 
En̄ al om onse salichede;
 
Ia / sijn bloet en̄ sijn sweet
1415[regelnummer]
Verwiten si hem ghereet /
 
Ia lelijc ende onscone /
 
Om min dan om een bone.
 
Men sal om Gods creaturen
 
Sweren in gheenre uren;
1420[regelnummer]
Want si alle toe horen Gode /
 
Daer wi af houden onse ghebode.
 
Na dien dan / voer waer ghesent /
 
Dat in verswerene sonde leyt /
[pagina 336]
[p. 336]
 
So doet hi dan grote sonde
1425[regelnummer]
Die loghene sweert tenegher stonde
 
En̄ nemt Gode tenen ghetughe daer
 
Dat sine valsche loghene es waer.
 
Dese sonde es also groet
 
Alse die Cristum sloeghe ter doet;
1430[regelnummer]
Want in Gode / des sijt gewes /
 
Niet dan die waerheyt en es.

voetnoot1
Hs. Datmen.
voetnoot2
Hs. eren.
voetnoot1
Hs. spot.
voetnoot1
Hs. vernamen.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken