Timbre de Cardone

Vierde Handelingh, seste wtcomst.

GIRONDE BALACCO.

gir.

WAt heb ick dese nacht
Al dinghen op ghedacht!
My dees aenslach quam rampsalich te mislucken
Ach! mijn benaude hert dat barste vvel aen stucken
VVat teeldt de min al smert
In een verliefde hert!
Balacco zijt ghy daer? ach secht, hoe ist gheganghen?

bal.

Ic hebbe vvel gedocht dat ghy seer sout verlangen

gir.

Iae meer als alteveel, ghy kent vvel sulcke menschen.

[fol. F3r]

 

bal.

 

De saeck is so gheluckt, men con't niet schoonder vvensachen

 

Timbre heeft het selfs ghesien, het vvelc hem so beving

 

Dat (vvoedende van spijt) hy van de plaetse gingh

 

Iae, dat noch meer is, ic heb voor ghevvis vernomen

 

Dat Timbre by hem heeft Rodrigo laten comen

 

En hem belast, terstont, het huvvelijck, dat hy

 

VVel eer ghebonden had, tómtbinden vveer, dit's my

 

Van een goet vriend geseyt, dus weet ic dat het waer,, is

 

Verheucht u daerom vry vvant nu de saec al clear,, is

 

gir.

 

O dubbelbly bescheyt! mijn vrient, hoe ben ick nu

 

Ghehouden in de gunst en trouvve dienst van u.

 

bal.

 

O Ioncker, dat is niet

 

gir.

 

Ist niet? vvat mooght ghy rellen?

 

Com laet ons binnen gaen, daer sal ick u 'tgelt tellen.