Het hofken der geestelycker liedekens (1577)

meer over deze tekst

Het hofken der geestelycker liedekens(1577)–anoniem Hofken der geestelycker liedekens, Het



[p. iij]origineel
[Een kindeken is ons gheboren in Bethleem] Een kindeken is ons gheboren in Bethleem, Des hadde Herodes thoren Dat scheen aen hem. Drie coninghen wtuercoren Quamen te Ierusalem Sij vraechden waer hij was gheboren Die coninck der Ioden Wij saghen in Orienten die sterre sijn, Wij comen hem aenbeden Dat kindekijn. Een kindeken. Doen Herodes dat vernam Dat dat kindeken gheboren was, Wert hij toornich ende gram Ende ontsach hem das Dat hij verliesen soude Sijn rijck was groot Hij dachte hoe hij mocht brenghen Dat kindeken ter doot. Een kindeken. Hij vraechden met haesticheden Waer dat kint gheboren was Te Bethleem in die stede Soo was datmen daer las Daer is gheboren die heere groot Die ons sal verlossen Vander eewigher doot. Een kindeken. Herodes sprack tot den vroeden Gaet henen ende soect dat kint Met alsoo grooten hoeden Men seyt hij is coninck
[p. iiij]origineel
Bouen alle coninghen Soo is hij fijn Men seyt hij sal besitten Dat rijcke mijn. Een kindekijn is. Als ghij dit kint hebt vonden Soo keeret weder tot mij In alsoo corten stonden Ende segt mij waer dat sij Ick soudet gaerne aenbeden Dat cleyn kindekijn Het heeft soo seer doorsneden Dat herte mijn. Een kindeken is. Maer als die coninghen quamen Buyten Ierusalem Met vreuchden sij vernamen Die sterre staen voor hen Al tot dat sij vonden dat kindekijn In doecken ghewonden Byder moeder zijn. Drie coninghen aenbaden Tkint van derthien dagen oudt Sij offerden wel beraden Myrre wieroock ende gout Dat deden sij daeromme Dat daer scheen grooten noot Sij saghen al omme ende omme Van hauen bloot Een kindekijn is ons gheboren. Des nachts als sij slapen wouden, Quam die Enghel Godts tot hen
[p. v]origineel
Dat sij niet keeren en souden Al ouer Ierusalem Nae eenen anderen weghe Soo sijn sij ghekeert Tot in haren Conincrijcke Alsmen ons leert. Een kindekijn is. Nv bidden wij den kinde Dat Iesus is bekant Dat hij ons wille bringhen Hier bouen in dat soete lant Daer hem die Enghelen eeren Tot alder tijt Dat gonne ons die heere Der heeren gebenedijt. Een kindeken.

Over dit hoofdstuk/artikel

lied

Naar de Nederlandse Liederenbank