Declaratie van dese nauolghende Epistele.
MInos de sone van Iuppiter ende Europa, Coninck van Creten, om dat die van Athenen Androgeum sinen sone verradelijc verslegen hadden, soo heeft hy haer naemaels noch so bedwongen, nae dat hy haer met oorlogen wel getempt hadde, dat sy daer en bouẽ moesten hem alle Iare seuen ionghe ghesellen ende seuen maechden leueren dye den Minotaurus moeste vernielen: Ende doen het lot gheuallen was op Theseus dat hy moeste in den doolhof gaen daer den Minotarus woonde, Ariadne onsteken sijnde met Theseus liefde ghaf hem een clouwen met garen, ende leerde hem in wat manieren hy den Minotaurum verwinnen soude, ende wt den doolhof geraken. Theseus daer nae versleghen hebbende den Minotaurum, is met Ariadne ende haer suster Phedra wt Creten ghereyst, ende quam in een eylant dwelck Dios ghenaemt is ende daer heeft hy Ariadne gelaten alleene, wech reysende heymelijcken met Phedra, de wijle sy sliep dies Ariadne onspringende mistroostich, is hem desen brief nae schrijuende.
Auteursrechtvrij