Declaratie van dese nauolghende Epistele.
PAris, want hem Venus Helenam geloeft hadde, so is hy geseylt na Grieckẽ om Helenam te halene. Daer comende, soo heeft Menelaus Helenas man hem seer minlijcken ontfangẽ, niet wetende dat hy quam om sijn huysvrouwe te ontschakene. Daer nae moeste Menelaus om sekere saken, reysen nae Cretẽ, en liet Paris in sijn hof by sijn huysvrouwe, ende beual Helena dat sy Paris wel tracteren soude, want eens Conincx sone was. Paris merckende dat tijt ende stonde ghaf, om tghene daer hy om comen was te volbringene, soo gaf hy haer eerst duer eenen brief te verstane ende te kennen sijn groote liefde die hy tot haer droech, veel reredenen daer in verhalende, ende de oorsake van sijnder liefden, begheerende, dat sy met hem na Troyen trecken wilde.
Auteursrechtvrij